کورد دلۍ چەرخەکا تاریخینە
بەشۍ: سەڎ و دوەمە
نویستەی: #هاوڕێ باخەوان#
ساڵەو (1676ز): عوسمانییەکۍ ئەچی ساڵېنە هېرششان کەردەن پەی سەرو میرنشینو بەدلیسی، ئا دەمە عەبداڵ خان میر بېیەن، لەشکەرو عوسمانی کە فرېشان کوردۍ بیېنۍ، کۆتېنۍ تاڵانکەردەی ناوچەکەی.
ساڵەو (1677ز): بابا سڵێمان، ئەچی ساڵېنە فەرمانڕەوایی بابانییەکاش دەس گېرتەن.
ساڵەو (1678ز): ئەچی ساڵېنە بابانییەکۍ یاردی تورکەکاشان دان دژ بە ئێرانییەکا. هەر ئەچی ساڵېنە کەلبعەلی خان کوڕو سڵێمان خانو والی ئەردەڵانی کۊچی دمایینش کەردەن. ئەچی ساڵېنە بابا سڵێمانو بابانی لوان پەی ئەستانەی.
ساڵەو (1679ز): گېڵەری بە نامبانگی تورکی ئەولیا چەلەبی ئەچی ساڵېنە کۊچی دمایینش کەردەن، شایانو باسین ئی دەرگېڵە تورکە دلۍ کتېبەکەیشەنە بە نامۍ (سیاحەتنامە) گەلێ چېۋۍ تاریخیېش سەرو کوردی تۊمارۍ کەردېنۍ.
ساڵەو (1680ز): ئەچی ساڵېنە خەسرەو خان کوڕو سڵێمان خانی بېیەن بە والی سنەی. هەر ئەچی ساڵېنە زەینلعابیدینی پاڵنگانی شاعېر ئامان دنیاوە. غەمناکی شاعېر دلۍ شارو کەرکوکینە ئەچی ساڵېنە ئامان دنیاوە. دیسان هەر ئەچی ساڵېنە میر ئەحمەڎ بەگی زەنگەنەی شاعېر ئامان دنیاوە.[1]
Kurdîpêdiya ne berpirsê naverokê vê tomarê ye, xwediyê/a tomarê berpirs e. Me bi mebesta arşîvkirinê tomar kiriye.
Ev babet bi zimana (هەورامی) hatiye nvîsandin, klîk li aykona
bike ji bu vekirina vî babetî bi vî zimana ku pî hatiye nvîsandin!
ئی بابەتۍ بە زۋانی (هەورامی) نۋیسیێنە، پەی ئەۋەکەرڎەی بابەتەکۍ بە زۋانېۋ کە نۋیسێنە، سەرو ئایکۆنو
ی کلیک کەرە!
Ev babet 841 car hatiye dîtin
Raya xwe li ser vî babetî binivîsin!