ناڤ: ماجید
ناڤێ بابی: مستەفا
ساڵا ژدایکبوونێ: 1896
جهێ ژدایکبوونێ: #سلێمانی#
ڕوژا وەغەرا داویی: #02-08-1974#
جهێ وەغەرا داویی: بەغدا
$ژیاننامە$
کوڕێ مستەفا ئەفەندی کوڕێ مەحمود مورادی مەردۆخییە و ماڵباتا وانا هاریکارەکێ نزیک یێن پاشایێن #بابان# بووینە، ماجید مستەفا کەسایەتییەکێ دیارێ نشتیمانی و سیاسی و سەربازی و کارگێڕی بوویە، د چەندین وێستگەهێن دیروکیدە ڕۆڵەکە دیار و بەرچاڤ هەبوویە.ماجید مستەفا مەحمود ساڵا 1896 ل باژێڕێ سلێمانی ژدایک بوویە، ل خێزانەکە ناڤدارا ڤی باژێڕەی پەروەردە بوویە، خالێ وی کەسایەتیێ بەرنیاس (#فوئاد عارف#) ە. خوەندنا سەربازی ل ئیستانبوڵێ تمام کرییە و ل ساڵێن جەنگێ جیهانیا ئێکەمێدە وەکە ئەفسەرەک ل بەرەیێن رۆژهەڵاتێدە پشکدارییا شەڕێن دەولەتا عوسمانی کرییە و بریندار بوویە. ژبەر ئازایەتیا خوە چەند مەدالیایێن ڕێزلێنانێ وەرگرتینە. پشتی هەرەس ئانینا دەولەتا عوسمانی ل دوماهیکا ساڵا 1919 ڤەگەڕیایە باژێڕێ سلێمانی ، پشتی ڤێ هاتنێ قۆناغەکە نوو یا ژیانی سیاسی ژبو بدەست ئانینا مافێن گەلێ کوردستانێ دەست پێکرییە، بو ڤێ مەرەمێ دگەل چەند هەڤالاندە، (کۆمەڵەیا سەربەخویا کوردستان)ێ دامەزراندییە و ل ساڵێن (1920-1922) لڤێ کۆمەڵەیێدا کار کرییە. ئەو ساڵا کو بەریتانیا ئیراق داگیر کر، مێجەرسۆن ل سلێمانیێ ئەو زیندانی کر چونکی ئامادە نەبوو سڵاڤا سەربازی ژبو وی بکەت. پشتڕە نەچار کر ببیتە ڕێڤەبەرێ قوتابخانەیا (روشدیە) ل سلێمانیێ. ماجید مستەفا پەیوەندی تەڤی بزووتنەوەیا (#سمایل خانێ شکاک#) ڤە هەبوو. ل قوناغێن سەرەتاییا شوڕەشا شێخ مەحمود هەوادارەکێ دڵسۆز و بەرنیاسێ شوڕەشا شێخێ نەمر بوویە. هەر دگەل شێخ مەحمود ساڵا 1927 چوویە بەغدا و بهەڤرا چووینە دیدارا (شا فەیسەڵێ ئێکەم) . ماجید مستەفا پشتی ڤێ قوناغێ تێکهەڵی ژیانا ئیداری بوویە. ساڵا 1941 دەمێ کو ڕاپەڕینا بناڤبانگا سوپایێ ئیراق سەر هەڵدا ئەو پارێزگارێ (موتەسەرییف) ێ عەممارە بوو. چەند جارەکانژی ل پەڕڵەمانێ ئیراقێ ب نینەراتیا باژێڕێ سلێمانی هاتییە هەلبژاردن. ماجید مستەفا هەمی دەمان ڕەخنەگرێ حکومەتا ئیراقێ بوویە لهەنبەر سیاسەتا کوورت بینانەیا حکومەتا ئیراقێ لسەر مەسەلەیا کوردی. ساڵا 1943 و ل هەشتەمین کابینەیا (نووری سەعید) دا ژبو ئێکەم جار بویە وەزیر. پشتی هندێش چەند جارەکا پۆستا وەزارەتێن جوداجودا پێ هاتییە سپاردن. پێش 14ێ تەمموزا ساڵا 1958 ل چالاکیێن سیاسی دوور کەوتییە و بەرێ خوە دایە بازرگانی کرنێ، ڕوژا 02-08-1974 ل بەغدایێ وەغەرا داویێ کرییە.[1]
Ev babet bi zimana (کرمانجی - کوردیی سەروو) hatiye nvîsandin, klîk li aykona
bike ji bu vekirina vî babetî bi vî zimana ku pî hatiye nvîsandin!
ئەڤ بابەت ب زمانا (کرمانجی - کوردیی سەروو) هاتیە نڤیساندن، کلیک ل ئایکۆنا
بکە ژ بو ڤەکرنا ڤی بابەتی ب ڤی زمانا کو پی هاتیە نڤیساندن!
Ev babet 247 car hatiye dîtin