بەپێی یاسای بوودجەی ئێراق، بەغدا لە چوارچێوەی خەرجی هێزی وشکانی ئێراق مووچە و خەرجی 20 هەزار پێشمەرگە لە هەرێم دەگرێتە ئەستۆ، کە بۆ ساڵێک دەکاتە بڕی 228 ملیار و 304 ملیۆن دینار.
تەرخانکردنی ئەو بڕە پارەیە بریتییە لە 12.67 لە سەدی خەرجی بەکاربردنی مووچەی هێزی وشکانی ئێراق کە ژمارەی سەربازەکانی 158 هەزار چەکدارە و بەو پێوەرە خەرجی مووچەی 20 هەزار پێشمەرگە بۆ هەرێم دانراوە.
حکومەتی هەرێم، مانگانە بڕی 19 ملیار و 25 ملیۆن دیناری لە بەغداوە پێدەگات، بەڵام پابەند ناکرێت ئەو بڕە بدات بە 20 هەزار پێشمەرگە و دەبێتە بەشێک لە پارەی تەرخانکراوی مووچەی پێشمەرگە و دیاریکردنی ئەو ژمارەیە تەنیا خەمڵاندنی پشکی هەرێمە لە هێزی وشکانی ئێراق.
تەرخانکردنی پارە بۆ پێشمەرگە لەو بنەمایەوە سەرچاوەی گرتووە هێزی پێشمەرگە بەشێکە لە پێکهاتەی هێزی بەرگری ئێراق و بەهێزی وشکانی ئەژمار دەکرێت، بەڵام تا ئێستا هەرێم ئامادە نییە میلاکی سەربازی و ژمارەی هێزەکانی بۆ بەغدا ئاشکرا بکات. [1]
Ev babet bi zimana (کوردیی ناوەڕاست) hatiye nvîsandin, klîk li aykona
bike ji bu vekirina vî babetî bi vî zimana ku pî hatiye nvîsandin!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Ev babet 488 car hatiye dîtin
Raya xwe li ser vî babetî binivîsin!