حکومەتە پارتییەکەی #مەسرور بارزانی# مووچەی خانەنشینی یەکێتییەکان دەبڕێت و لەم بەرە جەژنانە مەسرور بارزانی دەست بۆ قوتی خەڵکی لە #هەولێر# و #دهۆک# دەبات. ئەمڕۆ پێنجشەممە #20-04-2023#، خانەنشینانی پێشمەرگەکانی یەکێتی چوونە بانکی حەمرین تاوەکوو مووچەکانی مانگی ڕابردوویان وەربرگرن، بەڵام بە بڕیارێک دابەشکردنی مووچەی ئەو توێژە لە بانکەکانی هەولێر و دهۆک ڕاگیران و هێزێکی زۆری زێرەڤانی بۆ جێبەجێکردنی ئەو پلانە بڵاوەیان پێکراوە. بە وتەی خانەنشینان کە قسەیان بۆ پەیامنێری گەلی کوردستان کرد، پێیان وتوون بڕۆنەوە و مووچە دابەشناکرێت، لەکاتێکدا بە وتەی خۆیان لە پێش خۆرهەڵهاتنەوە لە بەردەم بانک ڕاوەستاون و خەڵکێکی زۆر لەوێ بوون، تا بەم بەرەو جەژنە مووچەکانیان وەربگرن. ئەم هەنگاوەی مەسرور بارزانی هەنگاوی دوو زۆنی فراوان دەکات و سیاسەتی دووفاقی دەردەخات. هەروەها، حکومەتی هەرێم بەرهەمی خوێنی شەهیدان و تێکۆشەرە دێرینەکانە کەچی مەسرور بارزانی مووچەیان دەبڕێت. [1]
Ev babet bi zimana (کوردیی ناوەڕاست) hatiye nvîsandin, klîk li aykona
bike ji bu vekirina vî babetî bi vî zimana ku pî hatiye nvîsandin!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Ev babet 500 car hatiye dîtin
Raya xwe li ser vî babetî binivîsin!