لای ئەم هێزە ئیسلامییانە شاڕێگای گەیشتن بەو بەھەشتە ئیجبارییەی ئەوان دەیانەوێت بەسەر ھەمووندا بیسەپێنن، (ئەخلاق)ە.
ئەخلاق بەو مانا سەلەفییەی ئەوان پێناسی دەکەن و لێی تێگەیشتوون. ئەخلاقێک لە سێکس و ژیانی سێکسیدا کورتبۆتەوە. لەم ئەخلاقەدا بۆ پیاو، بێگومان پیاوی پارەدار، چوار ژن حەڵاڵە و تا دەشمرێت دەتوانێت دەیان ژن بھێنێت بەو مەرجەی لەیەک کاتدا لە چوار ژن زیاتر نەبن.
بۆ ژنانیش خۆداپۆشین و دەرنەکەوتن و بێدەنگبوون و قبووڵکردن. ئەخلاقیاتێک پیاو وەک فەحل و کەڵەگایەک وێنادەکات کە حەز و ئارەزووی سێکسی خۆی بۆ کۆنترۆڵ ناکرێت، بەڵام ژن وەک بوونەوەرێکی بێ سێکس و بێ ئارەزو و بێ ئیحساس و بێ داخوازیی و بێ چێژ. پیاو وەک ڕاوچییەکی برسیی و ژنیش وەک نێچیرێک ئەم ڕاوچییە فەحلەکەی ویستی، بتوانێت بیگرێت و بیخاتە باخەڵی خۆیەوە. جەوھەری ئەم ئەخلاقە لەسەر داپۆشین و کۆنترۆڵکردنی ڕووکارە سێکسییەکانی ژنبوون و نیشاندان و نمایشکردنی ڕووکارە سێکسیەکانی پیاوبوون کاردەکات.
ئەوەی ئەم هێزانە نایانەوێت لێی تێبگەن ئەوەیە نە ئەو ئەخلاقە سەلەفییە جێی لە دونیای ئەمڕۆدا دەبێتەوە، نە بەھەشتیش بە زۆر بەسەر خەڵک و کۆمەڵگادا دەسەپێنرێت، نە لەم دنیایەدا و نە لەو دنیاشدا. بەهەشت مرۆڤەکان بە ئیرادەی ئازاد و ویژدانی ئینسانیی و عەقڵی ڕەخنەیی و ویژدانێکی یەکسانخواز و ئیمانێکی پاکژ، درووستی دەکەن، نەک ئەم هێز یان ئەو هێزی ئیسلامی سیاسیی، ئەم یان ئەو مەلا و بانگخواز، بە ژیری و حەزی خۆیان بۆیان درووستبکەن و بەزۆریش بیانخەنە ناویەوە.
پەرەگرافێک لە وتاری (دژ بە بەھەشتی ئیجباریی) بە دەسکاریەکی کەمەوە. [1]
#ج#
Ev babet bi zimana (کوردیی ناوەڕاست) hatiye nvîsandin, klîk li aykona
bike ji bu vekirina vî babetî bi vî zimana ku pî hatiye nvîsandin!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Ev babet 758 car hatiye dîtin
Raya xwe li ser vî babetî binivîsin!