لە کاتی شاڵاوی ئەنفالی سێ دا، #شێخ حسەینی هەزارکانی# خۆی و خێزان و کەس و کارو هەندێ لە دەروێشەکانی لەوانە بوون کە لە دێی #ملەسوورە#، لەلایەن سوپا و جاشەوە گیران و لەگەڵ خەڵکەکە ڕاپێچ کران. لە ڕۆژی #14-04-1988# لە کاتی گواستنەوەیان و بردنیان بۆ (#قۆرەتوو#) لە سنووری شارۆچکەی #خانەقین#، لە ساتەوەختی گەیشتن و تێپەڕبوونیان بە ناو #کەلار#دا، لەلایەن چەند دۆست و خزمێکی کاک شێخ حسێنەوە، دەرفەتێکیان بۆ درووستکردن، تا خۆی و خێزانەکەی ڕزگار بکرێن، بەڵام شێخی گەورە و جوامێر بەوە ڕازی نابێت، ئەو دەرفەتی ڕزگاربوونەی ڕەتکردەوە، چونکە نەیدەویست لەگەڵ خەڵکەکەی تر جیاببێتەوە، ئەو لەنێوان مردن و ڕزگاربوونێکی ئاوادا، مردنی لاپەسەندتربوو، بۆیە وتبوی ($با چارەنووسی منیش وەکو ئەوانی تر بێت)$، هەربۆیە کاکە شێخ حسەین بووە سەرگەورەی کاروانی ڕوو لە ماکینەی مەرگی بەعسییە ڕەگەز پەرستەکان، خۆی و 12 کەس لە ئەندامانی خێزانەکەی، لەگەڵ هەزاران کوردستانی غەدر لێکراو، ڕەوانەی بیابانەکانی خوارووی ئێراق کران و کۆمەڵکوژ کران. کاک شێخ حسەین ناوی تەواوی (حسێن محەمەد فەرەج-لەدایکبووی ساڵی 1957). خەڵکی دێی هەزارکانی سەر بە شارەدێی #سەرقەڵا#، لە سنووری شارۆچکەی #کفری#. هەزارکانی دێیەکی بچووکی چەند ماڵی بوو، جێگای کاک شێخ حسێن و تەکێ و بنەماڵەکەی بوو.
#عوسمانی حاجی مەحمود#
[1]
Ev babet bi zimana (کوردیی ناوەڕاست) hatiye nvîsandin, klîk li aykona
![](https://www.kurdipedia.org/images/flags/ku.png)
bike ji bu vekirina vî babetî bi vî zimana ku pî hatiye nvîsandin!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Ev babet 345 car hatiye dîtin