گاوان تا لەگاڕانێ نەیەتەوە نانی نادەنێ
گاڕان: گاگەل و ڕانەگایە لە کوردستاندا هەموو ئاوایی و لادێ و گوندێک گاڕانێکی هەبوو، بە گوێرەی لەوەڕ و لایەنی دارایی و توانای خەڵکی ئاوایی، گاڕان تا گاڕان توافەتی هەیە لەدەیان سەر ڕەشەوڵاغەوە دەست پێ دەکات تاسەدان و هەزار ڕەشەوڵاغ، ئه و کەسەی بۆ لەوەڕ دەیانباتە هەرد و پێدەشت و کەنار چەم و هەڵەدن و زوورگان و بانان لە گەردی بەیانیەوە تا زەردەی دەم کەل پێی دەوترێت: گاوان، کاری گاوانی لە دێر زەمانەوە لەناو ئاواییەکانی کوردستان، ئەرک و پاداشتەکەی بە مامەڵەی(ئاڵشت) بووە، شمەک بەشمەک یان ڕەنج بە شمەک(حەقە شوانی و حەقە گاوانی)، وەکو: ڕەنجی گاوان بۆ لەوەڕاندنی هەر گا و مانگایەک لە بەیانیەوە تا ئێوارە تەنها(1) یەک نانی تیری بووە و بە نانەسکی ئه و کارەی کردووە، هەر خاوەن مانگایەک یەک نانی داوە به و گاوانە ئەویش دوای ئەوەی گا و مانگاکانیان ئێوارە گەڕاوەتەوە ماڵەوە، لەوەڕاندنی چێڵ و مانگا بەنان بووە به و ئیدیۆمە و وەکو ئامۆژگاری و ڕێنمایی بەکاردەهێنرێت بۆ هاندان بۆ کاسبی و کارکردن چونکه ئەوەی کار نەکات ناخوات بۆ ئەمەش کورد گوتویەتی: گاوان تا لەگاڕانێ نەیەتەوە نانی نادەنێ.[1]
Ev babet bi zimana (کوردیی ناوەڕاست) hatiye nvîsandin, klîk li aykona
bike ji bu vekirina vî babetî bi vî zimana ku pî hatiye nvîsandin!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Ev babet 1,192 car hatiye dîtin
Raya xwe li ser vî babetî binivîsin!