گا بە تەنیا گێرە ناکات
گا: گۆلکە نێر کە تەمەنی دەبێتە سێ ساڵ پێی دەوترێت: گا، ئه و گۆلکە نێرەی کە بچووکی بارهێنرا بێت، دەتوانرێت کاری جووت و کێڵانی زەوی وزاری پێ بکرێت، کە جووتی کرد پێی دەوترێت: گاجووت، گاجفت، گێرە: لە گێڕان و گەڕانی ڕەشەوڵاغ هاتووە لە سەر خەرمان بەمەبەستی کوتانی به و کارەش ووتراوە: گێرەکردن، بۆ گێرەکردن دوو گا بەیەکەوە دەگەڕێنرێن و یەکێکیان پێی دەوترێت(گای بنە) و ئەویتر گای سەر پەڕە، بووە بە ئیدیۆم و وتراوە: دەڵێی گای بنەیە، ئەوەی لێیان دەخوڕێت پێی دەوترێت: گێرەوان، ئەویش بووە بە ئیدیۆم(گێرەشێوێن)، ئەگەر خاوەن خەرمان یەک گای هەبێت ناتوانێت خەرمانەکەی بکوتێت، ئەوە بووە بە ئیدیۆم و وەکو گوزارشت لەوەی هیچ کارێک بە تەنیا ناکرێت و پێویستی بە دەستبار و دەستگرۆیی و هەرەوەزی و هاوکاری هەیە بە ڕێنوێنی و هۆشیاری و ئامۆژگارییەوە ووتراوە: گا بە تەنیا گێرە ناکات.[1]
Ev babet bi zimana (کوردیی ناوەڕاست) hatiye nvîsandin, klîk li aykona
![](https://www.kurdipedia.org/images/flags/ku.png)
bike ji bu vekirina vî babetî bi vî zimana ku pî hatiye nvîsandin!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Ev babet 707 car hatiye dîtin