مار کاژی فڕێ دەدات، خوی فڕێ نادات.
مار، زیندەوەرێکی خشۆکە و بەددانەکانی ژەهردەخاتە خوێنی نێچیرەکەی، کاژ، واتە:کراسەمار بەگوێرەی تەمەنی فڕێی دەدات کە بچوکە بە شەش مانگ جارێک دەیگۆڕێت و کە بەره و ساڵ دەچێت دەبێتە ساڵانە به و شێوەیە کاژەکەی دادەماڵێت و کاژێکی نوێی ڕەونەقداری تازە دەپۆشێت، بەڵام خووەکەی واتە ئەدگار و خاسیەتەکەی کە گازگرتن و گەستن و ژەهر ڕووکردنە ناو جەستە و لاشە و خوێنی نێچیر و ناحەزەکەی وەکو خۆی دەمێنێتەوە، ئەوە لایەنی ڕاستەقینەکەیەتی، وەک ئیدیۆمیش بەکەسێک دەوترێت کە لەناخدا کەسێکی خراپ و بەدکردار و قین لەدڵ و گون لەزگ و مەترسیدار و دوژمنکار و خونخۆر بێت کەچی لەڕووکار و ڕواڵەت بەشێوازێکی ڕێک و پێک و جلوبەرگێکی ڕەونەقدار دەردەکەوێت، هەرچەندە ڕواڵەتیان بگۆڕێت بەڵام خوو و تایبەتمەندیان وەکو خۆی دەمێنێتەوە، بۆیە بە ئیدیۆمەوە به و کەسانە دەوترێت(مار کاژی فڕێ دەدات، خوی فڕێ نادات)[1]
Ev babet bi zimana (کوردیی ناوەڕاست) hatiye nvîsandin, klîk li aykona
bike ji bu vekirina vî babetî bi vî zimana ku pî hatiye nvîsandin!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Ev babet 1,660 car hatiye dîtin