هەندێک لەکەناڵەکانی ڕاگەیاندن، بڵاویان کردۆتەوە کە ئەو پەنابەرە عەرەبانەی لەشارەکانی تری عیراق پەنایان بۆ کوردستان هێناوە ئێستا لەشاری هەولێر دەردەکرێن لەشوێنی ئەوان ماڵە ئاوارەکانی کەرکووک نیشتەجێ دەکرین، بەرێوەبەرایەتی ئاسایشی هەولێر ئەم هەواڵانە ڕەت دەکاتەوە وە هەموولایەک لەوە دڵنیا دەکاتەوە کە ئەو هاوڵاتیە عەرەبانە بەرێزەوە لەشاری هەولێر ژیانی ئاسایی خۆیان بەسەردەبەن.
هەندێک لەو ماڵە ئاوارانەی کەرکووک لەشاری ئاشتی دوو نیشتەجێکراون. بەڕێکەوتن بووە لەگەڵ خاوەنی کۆمپانیای شاری ئاشتی و پارێزگای هەولێر کە ژمارەیەک لەوخانوانەی چۆڵن بەکرێ بدرێت بە ئاوارەکان. وە ئەو ناوانەی لەسەر دیوارەکان نوسرابوون ئەو خانوانەن کە تائێستا موڵکی کۆمپانیاکەن و بەکەس نەفرۆشراون وەهیچ ماڵە ئاوارەیەکی عەرەب لەشاری هەولێر ڕووبەڕوی هیچ گرفتێک نەبوەتەوە. بۆئاگاداری هەموولایەک
ڕاگەیاندنی بەڕێوەبەرایتی ئاسایشی هەولێر
07-11-2017
Ev babet bi zimana (کوردیی ناوەڕاست) hatiye nvîsandin, klîk li aykona
bike ji bu vekirina vî babetî bi vî zimana ku pî hatiye nvîsandin!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Ev babet 3,912 car hatiye dîtin