$باکووری کوردستان$
- ژاندەرمەکانی دەوڵەتی تورک لە ناوچەی بیرەجووک-ی سەر بە پارێزگەی ڕوحا هەڵیانکوتایە سەر گەڕەکی زیارەت و 7 کەسیان دەستگیر کرد. لەنێو دەستگیرکراوەکاندا موختار هشمان کلچ، سادوون کلچ، ساڵح قەرەیلان و سەباحەدین قەرەیلان هەن.[6]
$رۆژهەڵاتی کوردستان$
- #کۆڵبەر#ێکی کورد بە ناوی هادی سەلیمی، تەمەن 30 ساڵ کوڕی ئەحمەد، بە هۆی تەقەی هێزە نیزامییەکانی حکوومەتی، جێگیر لە پایگای ماڵتەی شاری #بانە#، گیانی لە دەست دا.[3]
- کاروانێک لە کۆڵبەران لە ناوچەی کانی خودا (کانی خوڵا) لە سنووری #پیرانشار# کەوتوونەتە بۆسەی چەکدارەکانی سەر سنووری ئێران و بەهۆی تەقەی ئەو چەکدارانەوە کۆڵبەرێک بە ناوی فەرهاد بیانک خەڵکی گوندی ماشکان کوژراوە.[6]
$باشووری کوردستان$
- محەمەد عەبدوڵڵا، هاوسەرۆکی #تەڤگەری ئازادی# ڕایدەگەیێنێت، چوار بارەگای حیزبەکەیان لە سنووری #سلێمانی# داخراوە و بارەگای #کەلار#یش گەمارۆدراوە. هاوسەرۆکی تەڤگەری ئازادی ئاماژەی بەوەشکرد تاوەکو ئێستا هیچ ڕووبەڕبوونەوەیەک ڕووینەداوە شیاوی باسکردن بێت، تەنیا لە #قەڵادزێ# دوو هەڤاڵمان دەستگیرکراون و دواتر ئازادکران.[1]=KTML_ImageCaption_Begin==KTML_StyleDiv=width:30%;height:20%;float:right;=KTML_ImageCaption_Target_Link=https://www.kurdipedia.org/files/relatedfiles/2018/156698/0006.JPG=KTML_ImageCaption_Title=لە چالاکییەکانی ئەمڕۆ: 29-11-2018=KTML_ImageCaption_CaptionStyle=000000=KTML_ImageCaption_Caption=لە چالاکییەکانی ئەمڕۆ: 29-11-2018=KTML_ImageCaption_End=
- بڕیاربوو لە دژی داخستنی بارەگاکەیان و بەندکردنی چوار ئەندامیان لەناو بارەگا تا درەنگانی شەو، کاتژمێر 9:00ی سەرلەبەیانی ئەمڕۆ لەبەردەم بارەگای تەڤگەری ئازادیی کۆمەڵگەی کوردستان لە شارۆچکەی کەلاری ناوەندی ئیدارەی #گەرمیان# گردبوونەوەیەک بەڕێوەبچێت، بەڵام هێزێکی زۆری ئاسایش پەلاماری چالاکوانانیان دا و ڕێگانادەن چالاکییەکە ئەنجام بدەن. هێزەکانی ئاسایش بە سەختیی لە سێ ئەندامی تەڤگەری ئازادیی-یان داوە و هەرسێ ئەندامەکە ڕەوانەی نەخۆشخانەی فریاکەوتنی شەهید هەژار کراون لە کەلار.[2]
- ئەمڕۆ کاتژمێر 10:00 #بەرەی تورکمانی# لەژێر ناونیشانی (داواکارییەکانی تورکمان لە حکومەتی هەرێمی کوردستان) لە هۆڵی هۆتێل کوارتز لە شاری #هەولێر# دەستی بە کۆبوونەوە کرد، تیمی ڕۆژنیوز بە مەبەستی ڕووماڵکردنی کۆبوونەوەکە چووە هۆڵەکە، بەڵام لەلایەن ئەندامانی بەرەی تورکمانییەوە ڕێگریی لێکرا. ئەندامانی بەرەی تورکمانیی ڕاگەیاندووە، کە بەهۆی ئامادەبوونی هاکان قەرەچای، کونسوڵی تورکیا لە هەرێمی کوردستان، لەناو کۆبوونەوەکە، نابێت ڕۆژنیوز لێرە ئامادەبن و ڕووماڵ بکەن.[2]
- کونسڵی گشتی تورکیا لە هەرێمی کوردستان ڕایگەیاند وڵاتەکەی پاڵپشتی ئه و بڕیارە دەکات کە حکومەتی هەرێم دەریکردووە بۆ داخستنی بارەگای حزبە بێ مۆڵەتەکان ئەوەش وەک ئاماژەیەک بۆ بڕیاری داخستنی بارەگای ڕەوتی تەڤگەری ئازادی لە هەرێمی کوردستان بەهۆی نەبوونی مۆڵەتی یاسایی کە بە گروپێکی نزیک لە پارتی کرێکارانی کوردستان (#پەکەکە#) هەژمار دەکرێت.[4]
- شێرکۆ جەودەت، سەرۆکی فراکسیۆنی یەکگرتووی ئیسلامی لە پەرلەمانی هەرێمی کوردستان لە دژی فشارەکانی سەر تەڤگەری ئازادیی، ڕایدەگەیەنێت، کە #وەزارەتی ناوخۆ#ی هەرێمی کوردستان یاسا پێشل دەکات و وتیشی: دەبوو وەزارەتەکە وەڵامی هەموو ئەو حیزبانەی بدایەتەوە کە سەردانی وەزارەتی ناوخۆیان کردووە.[2]
- بەرەبەیانی ئەمڕۆ لە لایەن پۆلیسی ئێڕاقییەوە یەکەم کۆمەڵگەی تەعریب لە ناوچەی #داقوق# جێگیرکرا، کە نزیکەی 50 ماڵ دەبن.[5]
- لە نزیک گوندی ئەشاجیر-ی سەر بە شارەدێی سەعدیە لە شارۆچکەی #خانەقین#، لە کاتی تێپەڕبوونی کاروانی ئۆتۆمبێلەکانی هێزەکانی #حەشدی شەعبی#، بۆمبێک تەقیەوە. بەهۆی تەقینەوەکە جەمال جەنابی فەرماندەی فەوجی ڕوحوڵای سەر بە لیوای 110ی حەشدی کوژرا و چەند چەکدارێکی فەوجەکەش بریندار بوون.[6]
- ئێوارەی ئەمڕۆ بومەلەرزەیەک بە گوڕی 4،3 پلە بە پێوەری ڕێختەر بە قوڵی 11 کیلۆمەتر بە دوری 30 کیلۆمەتر لە سنوری خانەقین ڕویدا.[4]
- لە ژێر دروشمی بەرەنگاربوونەوەی ماددەهۆشبەرەکان لەپێناو کۆمەڵگایەکی تەندروست لە شارۆچکەی #کفری# پۆلیسی کۆمەڵگەیی کۆنفڕانسێکی ئەنجامدا و یاداشتێک له و بارەیەوە ئاراستەی لایەنە پەیوەندیدارەکان دەکرێت.[4]

ناوەندی ڕاگەیاندنی یەکینەکانی پاراستنی گەل (#یەپەگە#) ڕاگەیەنراوێکی بڵاوکردەوە و ئاشکرای کرد کە هێزەکانیان لە ناوچەی جندرێسی #عەفرین# لە چێوەی بەرخۆدانی سەردەمدا 2 چەتەی داگیرکەریان کوشتوون.
لە ڕاگەیەنراوەکەدا هاتووە: (لە چێوەی قۆناغی دووەمی هەڵمەتی بەرخۆدانی سەردەمدا لە عەفرین، چالاکییەکانی هێزەکانمان دژی سوپای تورکی داگیرکەر و گرووپە چەتەکانیان بەردەوامن. له و چێوەیەدا لە 26ی تشرینی دووەم\5ی سەرماوەز لە گوندی کەفەر سەفر-ی سەر بە ناوچەی جندرێس یەکینەکانمان لە دژی گرووپی چەتەی ئەحراری شام چالاکییەکیان کرد. لە ئەنجامدا 2 چەتە کوژران. یەکێک له و چەتە کوژراوانە ناوی ئەبوو ستێف حومسی-یە.)[1]
#29-11-2018#

ناوەندی ڕاگەیاندنی هێزەکانی پاراستنی گەل (#هەپەگە#) دەربارەی چالاکییەکانی گەریلا و هێرشە ئاسمانییەکانی سوپای تورکیای داگیرکەر ڕاگەیەنراوێکی بڵاوکردەوە.
بە گوێرەی ڕاگەیەنراوەکە گەریلاکان هێرشیان کردووەتە سەر سەربازانی تورکیا و گورزی تووندیان لێ داون. هەروەها هەپەگە ڕایگەیاند بەهۆی بۆردومانی فڕۆکەجەنگییەکانی تورکیا 3 گەریلا شەهید بوون.
دەقی ڕاگەیەنراوەکە:
هێزەکانمان ڕۆژی 27ی تشرینی دووەم\6ی سەرماوەز کاتژمێر 11 لە ناوچەی چەلێی جۆلەمێرگ لە دژی سوپای تورکیای داگیرکەر لەسەر گردی شوندر چالاکییەکیان ئەنجام دا. گورزی تووند لە پەناگە و سەنگەرەکانی دوژمن درا. ژمارەی سەربازە کوژراو و بریندارەکان ڕوون نەبوویەوە. سوپای تورکیای داگیرکەر دوای چالاکییەکە بە ئۆبوس و هاوەن تۆپبارانی ناوچەی چالاکییەکەی کرد و بە کۆپتەری سکۆرسکی-ش سەربازە کوژراو و بریندارەکانی لە ناوچەکە هەڵگرتەوە.
هێزەکانمان 28ی تشرینی دووەم\7ی سەرماوەز کاتژمێر 13:30 لە دژی سەربازانی دوژمن لەسەر گردی شەهید جۆلەمێرگی چەلێ چالاکییەکیان ئەنجام دا. لەم چالاکییەدا گورزی تووند لە سەنگەرەکانی دوژمن لەسەر گردەکە درا، بەڵام ژمارەی سەربازە کوژراو و بریندارەکان ڕوون نەبوویەوە. هێزەکانی داگیرکەر دوای چالاکییەکە بە هاوەن و ئۆبوس تۆپبارانی ناوچەی چالاکییەکەی کرد.
هێرشی فڕۆکەجەنگییەکان
28ی تشرینی دووەم\7ی سەرماوەز لەنێوان کاتژمێر 15:50 و 16:30 فڕۆکەجەنگییەکانی سوپای تورکیای داگیرکەر بناری گردی شەکیف-ی سەر بە هەرێمی خواکورکیان لە هەرێمەکانی پاراستنی مەدیا و دەڤەری کەنال-ی ناوچەی قلابان-ی سەر بە شرناخ-یان بۆمباران کرد.
فڕۆکەجەنگییەکان ڕۆژی 29ی تشرینی دووەم\8ی سەرماوەز (ئەمڕۆ) کاتژمێر 8:30 بۆردومانی دەوروبەری چەمی خواکورکیان کرد لە هەرێمەکانی پاراستنی مەدیا. بەهۆی بۆردومانەکە زیان بە هێزەکانی ئێمەی گەریلا نەگەیشت.
3 گەریلا شەهید بوون
فڕۆکەجەنگییەکانی سوپای تورکیای داگیرکەر ڕۆژی 27ی تشرینی دووەم\6ی سەرماوەز کاتژمێر 9:30 بۆردومانی دەڤەری ساجا-ی هەرێمی زاپی سەر بە هەرێمەکانی پاراستنی مەدیایان کرد. بەهۆی بۆردومانەکە هەڤاڵانمان ئارین، ئاڤێستا و زیلان شەهید بوون.
بۆ یادی ئەوان هەمیشە ئاڵای ئازادی دەشەکێنینەوە
هەر سێ هاوڕێمان لەپێناو ئازادیی جەستەیی ڕێبەر ئاپۆ و گەلەکەمان هاتنە نێو ڕیزەکانی تێکۆشانی شۆڕش، لەنێو ڕیزەکانی گەریلادا بە ڕەنجدەری و لە ڕیزەکانی پێشەوە هەمیشە بە ئەرک و بەرپرسایەتیی خۆیان هەستان. دەیانزانی کە خراپییەکانی ئەم جیهانە زۆرن و تەنیا بە ئازادیی ژن دەکرێت جوان بکرێت، لە بەرزترین ئاستدا هەوڵیان دا خۆیان شارەزا بکەن لە ئایدیۆلۆژیای ئازادیی ژن. بۆ ئێمەش بەرپرسایەتیی گرینگیان بەجێهێشتووە. بە بەرزکردنی ئاڵای ئازادی ئێمە خاوەندارەتی لە یادی ئەوان دەکەین. لەسەر ئەم بنەمایە، سەرەخۆشی ئاراستەی خانەوادەی هێژای شەهیدەکانمان و گەلی وەڵاتپارێزمان دەکەین. بەڵێن دەدەین کە ئاڵای ئازادی کە شەهیدان ڕادەستی ئێمەیان کردووە، هەمیشە بشەکێنینەوە.
ناسنامەی شەهیدان:
ناسناو: ئارین جۆلەمێرگ
ناو و پاشناو: هولیا ئۆزدەمیر
شوێنی لەدایکبوون: وان
ناوی دایک و باوک: ئاسیا - درباز
کات و شوێنی شەهیدبوون: 27ی تشرینی دووەمی 2018\6ی سەرماوەز - زاپ
ناسناو: ئاڤێستا قارەمان
ناو و پاشناو: ئەلیفە مەلا ناهسان
شوێنی لەدایکبوون: #عەفرین#
ناوی دایک و باوک: لەتیفە - نووری
کات و شوێنی شەهیدبوون: 27ی تشرینی دووەمی 2018\6ی سەرماوەز - زاپ
ناسناو: زیلان دەڤران
ناو و پاشناو: نوورشەن بوتوشابا
شوێنی لەدایکبوون: #ئامەد#
ناوی دایک و باوک: نەسیهات - موحەرەم
کات و شوێنی شەهیدبوون: 27ی تشرینی دووەمی 2018\6ی سەرماوەز - زاپ[1]
#29-11-2018#