نامۍ: کەمال
نازنام: هۆرامی
نامۊ تاتەی: حسێن خەرپانەی
ساڵۊ پېڎابېیەی: 1962ز
ڕۊ مەرڎەی: #24-12-2015#
یاگۊ پېڎابېیەی: #خەرپانی_هۆرامان#
یاگۊ مەرڎەی: #خەرپانی_هۆرامان#
$ژیۋاینامە$
مامۊساو پېشمەرگەو ڕۊشنویر کەمال هۆرامی، دلۍ دەگاو خەرپانی سەر بە هۆرامانو پانیشتی ئامان دنیاوە، قۊناغەکۍ وانگایش بە سەرکۆتەیی بڕیېنۍ، ساڵەو (1977ز) پېوەڼیش کەردەن بە ڕیزەکا ڕېکۋزیاکا یەکیەتی نیشتیمانی کودەسانیۆ، بەشداری چڼین چالاکیاش کەردەن، ساڵەو (1983ز) پېوەڼیش بە ڕیزەکا هېزو پېشمەرگەیۆ کەردەن و چەکو پېشمەرگایەتیش کەردەن شان، دلۍ کۊششو پېشمەرگایەتینە کەسێ وۍ نەوازو وەرچەم ڕۊشن بېیەن، چڼین جارۍ زامڎار کریان، حکومەتو ئێراقی دوۍ جارۍ فەرمانو قەنارەیش پەی بەرکەردەن، دلۍ زیڼانینە وەرچەماو تاتەیشۆ عەزاب دریان، دماتەر بە بەخشایێ حکومەتینە ئازاڎ بېیەن. مامۊسا کەمال پاڵو کۊششی سیاسی و چەکدارینە خەریکو وۍ ڕۊشنۋیرکەردەی بېیەن، سەرەمڕە کتېب و کتېبچە باخەڵەشەنە بېیەن، خەریکو وانایۆ بېیەن، دەربارەو تارېخوو میللەتەکەیش، داگیرکاریەکا، زوڵمو زاڵما، وەڵینەو ناوچەکەیش، زوان و فەرهەنگ و کەلتوورو هۆرامانی. ئیتر کەمالی پېشمەرگە بېیەن بە کەمالی ڕۊشنویر، نوویسەر، پەیجوورکار، بەرهەموو ئا مانیایشە چڼین کتېبۍ و کتېبچۍ و نامیلکۍ و سیمینارو گلېرۆبیۍو وەتارۍ بیېنۍ کە پېشکەش بە کوردی و هۆرامانیش کەردېنۍ.دمای ئازاڎبېیەی کوردەسانی چڼین پۆستۍ ئیداریېش وەرگېرتېنۍ، پەی چن ساڵا ڕاوەبەرو ڕۊشنۋیری هەڵەبجەی بېیەن.
ساڵەو (1983ز) چەنی خاتو (ڕووناک فەرەج بېیارەیۍ) لوانەنە دلۍ ژیوای هامسەری، بەرهەمو هامسەرگیریەکەیشان کوڕو کناچێوە بە نامەکا (کودۆ و ڕێژوان) ی، بەداخۆ مەرگ ڕاگیرش کەردو بە نەوەشیێ کتوپڕ تاریخو (24-12-2015) کۊچی دمایینش کەرد، دلۍ دەگاو خەرپانی، زېڎو ماواو وېشەنە ئەسپەردە کریان.
ئەسعەد ڕەشید.[1]