بە داخ و کەسەرێکی زۆرەوە هەواڵی ناهومێدی له چاک بوونەوەی خوشکی ئازیز و خۆشەویستمان خاتوو بەیان عەتاری ڕاگەیەندراوە و هەموو لایەکمانی تووشی خەم و پەژارە کردووە و له هەمان کاتیشدا هەڵوێستێکی مرۆڤانە و جێگای ڕێز و حورمەتی ئەو خوشکە خۆشەویستەشمان کە بریتییە له پێشکەشکردنی ئەندامەکانی جەستەی هەموومانی وا لێ کردووە کە سەری ڕێز و نەوازشی بۆ دانەوێنین.
دیارە ئەرک و کاری گەورە هەر له مرۆڤی مەزن و گە ورەش دەوەشێتەوە و ئەو خوشکە بەڕێزەشمان بۆ جارێکی دیکە وەبیر هەموو لایەکی هێنایەوە کە دەکرێت به گیانی فیداکاری و کاری ئاوا مەزن، هەڵوێستی جێگای شانازی بخولقێنین و وەپێشمان کەوت کە دەتواندرێت خۆمان و ژیانمان پێشکەش بە بارەگای بەرزی مرۆڤایەتی بکەین.
بنەماڵە و هاوڕێیان و دۆستانی خوشکە بەیان! وێڕای دەربڕینی ئەوپەڕی پێناخۆش بوونی خۆمان لەو کارەساتە جەرگبڕ و ناخ هەژێنە، ڕادەگەیەنین کە هەڵوێستی مەزن و ئینسانانەی دەکەینە سەرمەشقی ژیانمان و ئێمەش بە ڕێگای هەمیشە سەوزیدا دەڕۆین و یادی ئازیز و خۆشەویستی هەمیشە له دڵماندا سەوز و زیندوو ڕادەگرین.
ئەنجومەنی ژینگەپارێزانی #بۆکان#
#02-09-2020#
Ev babet bi zimana (کوردیی ناوەڕاست) hatiye nvîsandin, klîk li aykona
bike ji bu vekirina vî babetî bi vî zimana ku pî hatiye nvîsandin!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Ev babet 1,506 car hatiye dîtin
Raya xwe li ser vî babetî binivîsin!