عەگیدێ جەمۆ (1932- 2019)
میرێ بلورێ عەگیدێ جەمۆ لساڵا 1932 لگوندێ جۆبانکەرا هۆکتۆبەرا ئەرمەنستانێ هاتیە سەر دنیایێ مالباتاوان لشەرێ جیهانیێ ئێکێدا (1914 -1918) ژ بەرگریا وانێ کۆچی ئەرمەنستانێ دکن و پاشی ل تبلیسا گورجستانێ دسێورە ، عەگیدێ جەمۆ ژئەسلی خوە ژ عەشیرا زقوریا جانگیر ئاغایە ل دەه دوانزدە سالیا خوەدا دایکا وی بناڤێ (گولێ) رەحما خودێ دکە وبێ دایک مەزن دبە،بابێ وی لسالا 1962 عەمرێ خودێ دکە و پشتی مرنا دایکا وی جارەکا دی ڤەدگەرن ئەرمەنستانێ،لسالا 1967 ل یەریڤانێ لیەک ژباشترین خوەندنگەهێن سازبەندیێ یا بناڤێ رۆمانا ئۆزمەلکیان تەمام دکە ودبە سازبەندەکی پرۆڤۆسیۆنال پێنچ سالا بشەڤێ دخونە و ب رۆژێ ل رادیۆیا یەریڤانێ کاردکە و پشتی 37سالێن هۆنەرمەندیێ عەگیدێ جەمۆ لسەر دەرگەها سازبەندیا کوردی ناڤێ خوە ب تیپێن زێرین دنڤیسینە،ل وارێ مەی و بلورێ دا عەگیدێ جەمۆ مەزنترین کەسە،گەلەک کەس دبێژن ئەگەر عەگیدێ جەمۆ مرۆڤەکێ ئەرمەنی ئەمریکی روسی ئەوروپی بایە نهۆ پەیکەرەک ژێرە هاتبوو دورستکرن ونهۆ ناڤێ وی ل دبستانا و کۆشەڤەتوارا کربوون و هنەک ژوان دیاردکن کو عەگیدێ جەمۆ نە کێمی کۆمپیستۆرێ مەزنێ ئەرمەنی (جوان کاسپاریایە) کو ل تەڤایا دنیایێ خودان قەدر و قیمەتەکی مەزنە.
عەگیدێ جەمۆ مرۆڤەکێ باش و لاقرچی بوویە،دقەیدا نێریاندا فیق و مەیا ددەستێ ویدا دحەلن،دلاوکێ مەتینیا یا (قەرەپاتێ خاجۆ) دا ب ئامورانرە دکەڤە زێرێ عەگیدێ جەمۆ، ئافرینەر و نڤیسەرێ (لۆرەندۆر مەرشا کوردی فانتازیا کوردی داوەتێ)بوویە کو وەکی شاهزەدیا مللەتێ کورد دهێتە بلێڤ کرن،عەگیدێ جەمۆ خودانێ ڤێ گۆتنێیە کو دبێژە( مرۆڤ هەنە ب روحا خوە و مرۆڤ هەنە ب لنگێ خوە دکەڤنە ناڤ هۆنەرێ دا)، رەحمەتیێ (کریشایێ مەمێ) کو ئێک ژبەرپرسیارێ رۆژنامەیا رێیا تازە بوو ل داویا سالا 2001 دهەمان رۆژنامێدا لسەر عەگیدێ جەمۆ وەها دنڤیسینە (ژ عەگید رە هێسان نەبوو بگەهیژە ڤێ دەرەجێ هێ ل زارۆکیا ویدا بالا وی هەوەسا وی بەر ب سازبەندیێ پێشدە هاتیە لگوندێ خوەیێ بناڤێ ئەردەشێرێ عەگیدێ بچووک ب قامیش فیقەک چێکربوو و دەما کو رۆژ دچوو ئاڤا وی فیقا خوە هلددا ورادبوو لسەر بانێ خێنی و ژخوەرە لێ دخست،جینارا گۆه ددانێ و عەجێبمای دمان).
عەگیدێ جەمۆ ل جهێلانیا خوەدا کارێ شڤانیێ کریە، عەگید زرنا خوەیا ئێکێ ب پەرێ دوو ستل ماست دکرە و داوەتا ئێکەم ل مالەکێ دکە کو شەش هەفت قیزێن وێ مالێ هەبوون ژبەر ڤێ یەکێ داوەتا قیزا بناڤێ (زەیتون) قەد ژبیرا عەگیدێ جەمۆ ناچە،خانما وی ناڤێ وێ (رندێ) لسەر کو کەچک ئانکو رندێ ژعەگید رە یە نیشانکری بوو لێ ژبەلەنگازی عەگید رندێ درەڤینە مالا مەتا خوە،خانما وی رندێ قەدرەکی مەزن لجەم عەگید هەبوو لەوا عەگید پشتی مرنا خانما خوە رندێ چ جاری دی نازەوجە پێنچ زارۆکی عەگید ژ خانماوی رندێ چێدبن دوو کور سێ قیز کورێ وی بناڤێ (تیتال) لدەما کو یێ جوان رەحما خودێ دکە،عەگید (مقام بێژ ئاوازدانەر بلورڤان) چەندین شاگردێن وی هەبوون وخەلک لبەر دەستێ وی ڤێری سازبەندیێ بوویە،مقاما سەرەکی یا لەشکەرێ ئەرمەنی (مقام ئاواز) یا عەگیدێ جەمۆیە،عەگید ل جوانیا خوەدا بەشداری بسەدان داوەتێن ئێزدیان بوسلمانان کریە، ل 28-01-2019 لتەمەنێ 87 سالیێ دا عەگید دچە بەر رەحمەتا خودێ.
Ev babet bi zimana (کرمانجی - کوردیی سەروو) hatiye nvîsandin, klîk li aykona
bike ji bu vekirina vî babetî bi vî zimana ku pî hatiye nvîsandin!
ئەڤ بابەت ب زمانا (کرمانجی - کوردیی سەروو) هاتیە نڤیساندن، کلیک ل ئایکۆنا
بکە ژ بو ڤەکرنا ڤی بابەتی ب ڤی زمانا کو پی هاتیە نڤیساندن!
Ev babet 2,766 car hatiye dîtin