یەکەم بارە نەوتی #کەرکووک# گەیشتە ئێران و لە کۆگاکانی شارۆچکەی دەڕەشاری پارێزگای #ئیلام# لە ڕۆژهەڵاتی کوردستان بەتاڵکرا.
بەڕێوەبەری لقی ئیلامی کۆمپانیای نیشتمانی نەوتی ئێران ڕایگەیاند، یەکەم بارە نەوتی کەرکووک کە زیاتر لە 670 هەزار بەرمیل نەوتی خاو بووە لە کۆگاکانی شارۆچکەی دەڕەشار بەتاڵکراوە.
عەلی چاغروەندی، بەڕێوەبەری لقی ئیلامی کۆمپانیای نیشتمانی نەوتی ئێران ڕایگەیاند، نەوتی کەرکووک بە تەنکەر و لەڕێگەی دەروازەی سنووریی خوسرەوی گەیێندراوەتە پارێزگای ئیلام.
بەگوتەی چاغروەندی، ئەم بارە نەوتەی کەرکووک بە 22 بارهەڵگر لە چوارچێوەی ڕێککەوتننامەیسواپی نەوتی خاو لەنێوان وەزارەتەکانی نەوتی ئێران و عێراق گواستراونەتەوە.
بەپێی ڕێککەوتننامەی نێوان وەزارەتی نەوتی عێراق و وەزارەتی نەوتی ئێران لە قۆناخی یەکەمی سواپی نەوتی خاوی کەرکووک، ڕۆژانە 30 هەزار بەرمیل نەوتی ئەو پارێزگایە بۆ کۆگاکانی دەڕەشار دەگوازرێتەوە و لە قۆناخی دووەمیشدا ئەو ژمارەیە بۆ ڕۆژانە 60 هەزار بەرمیل بەرز دەکرێتەوە. وەزارەتی نەوتی ئێران هەروەها ڕایگەیاندووە، نەوتی کەرکووک لەڕێگەی بۆرییەوە وەک سووتەمەنی دەگوازرێتەوە بۆ پاڵاوگەکانی باکووری ئەو وڵاتە.[1]
#17-06-2018#
Ev babet bi zimana (کوردیی ناوەڕاست) hatiye nvîsandin, klîk li aykona
bike ji bu vekirina vî babetî bi vî zimana ku pî hatiye nvîsandin!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Ev babet 2,071 car hatiye dîtin
Raya xwe li ser vî babetî binivîsin!