نیوەڕۆی ئەمڕۆ، لە بینای پارێزگای #هەولێر# هەریەکە لە بەڕێوەبەری پۆلیس و بەڕێوەبەری هاتووچۆ و قائیمقامی مەرکەزی هەولێر کۆنگرەیەکی ڕۆژنامەنووسییان ئەنجامدا.
لیوا عەبدولخالق تەلعەت، بەڕێوەبەری پۆلیسی پارێزگای هەولێر لە کۆنگەرەکەدا ڕایگەیاند: لەماوەی دوو مانگی ڕابردوودا 41 تاوانی جۆراوجۆر ئەنجامدراون و 61 تاوانبار دەستگیرکراون و 9 لەو تاوانبارانە تاوانی کوشتنیان ئەنجامداوە و پەڕاوی لێکۆڵینەوەیان بۆ کراوە.
عەبدولخالق تەلعەت، وتیشی: تەواوی تاوانباران ڕەوانەی بەردەم دادوەر کراون و لەنێو ئەو تاوانبارانەشدا سێ منداڵ بوونیان هەیە.
هەروەها، لیوا هێرش ئەحمەد، بەڕێوەبەری پۆلیسی هاتووچۆی هەولێر لە کۆنگرەکەدا وتی: ماوەیەکە لەنێو شاری هەولێر ئۆتۆمبیڵی بێ تابلۆ زۆر بووە، لەڕێگای تیمەکانی بەڕێوبەرایەتی هاتووچۆی هەولێر دەست بەسەر ئەو ئۆتۆمبێلەنەدا دەگیرێت و ڕێکاری یاسایی لەبەرامبەریان دەگرینەبەر.
هەر لە کۆنگرەکەدا، نەبەز عەبدولواحید، قائیمقامی قەزای ناوەندی هەولێر، وتی: لەماوەی مانگی ڕەمەزاندا 130 سەرپێچی تۆمارکراوە و 15 شوێنیش داخراون و 115 شوێنیش ئاگاداریی کۆتاییان وەرگرتووە.
وتیشی: هەر لە مانگی ڕەمەزاندا 33 تۆن و 150 کیلۆ خواردن دەستی بەسەردا گیراوە و 17 ملیۆن دیناریش سزا لە سەرپێچیکاران وەرگیراوە و 95 کەسێکیش دەستگیراون و 32 تاقیگەی پزیشکی داخراون و سێ خانووی زێدەڕۆیی تێکدراون و 4 خاوەن مۆلیدەش سزادراون.[1]
#13-06-2018#
Ev babet bi zimana (کوردیی ناوەڕاست) hatiye nvîsandin, klîk li aykona
bike ji bu vekirina vî babetî bi vî zimana ku pî hatiye nvîsandin!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Ev babet 4,063 car hatiye dîtin
Raya xwe li ser vî babetî binivîsin!