دواڕۆژ، هانا چۆمانی
جێگری وەزیری دەرەوەی ئەمریکا، بڕی 13 ملیۆن دۆلار وەک هاوکاری پێشکەش بە ڕێکخراوی یونسێف دەکات لە هەرێمی کوردستان، بەمەبەستی هاوکاریکردنی ئاوارەکانی موسڵ.
لە ڕاگەیاندراوێکی کونسوڵخانەی ئەمریکا لە هەولێر، کە کۆپیەکی بۆ دواڕۆژ نێردراوە، تیایدا ئەوە ڕونکراوەتەوە "لەمیانی سەردانیکردنی ئەنتۆنی بلینکن، جێگری وەزیری دەرەوەی ئەمریکا لە مانگی ڕابردوو بۆ کەمپی (هەرشەم) لەشاری دهۆک بڕیاریداوە هاوکاری ماددی پێشکەش بە ئاوارەکان و خوێندکارانی کەمپەکە بکات".
لە ڕاگەیاندراوەکەدا ئاماژە بەوەدراوە، بلینکن بڕیاریداوە بەدابینکردنی بڕی 13 ملیۆن دۆلار بۆ ڕێکخراوی یونسێف تایبەت بە هاوکاریی پەروەدەیی لە کەمپەکانی ئاوارەکان.
لە ڕاگەیاندراوەکەدا ئەوەش خراوەتەڕوو، ئامانج لەو هاوکارییە دابینکردنی پێداویستی خوێندن و کردنەوەی خوێندنگایە لە کەمپەکان کە لە ئێستادا وەرزی خوێندن دەستیپێکردوەتەوە.
- 23-10-2016
Ev babet bi zimana (کوردیی ناوەڕاست) hatiye nvîsandin, klîk li aykona
bike ji bu vekirina vî babetî bi vî zimana ku pî hatiye nvîsandin!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Ev babet 6,339 car hatiye dîtin
Raya xwe li ser vî babetî binivîsin!