بەڕێوبەرایەتی پۆلیسی دارستان و ژینگەی پارێزگای سلێمانی ڕایگەیاند کە لە 48 سەعاتی ڕابردوودا 13 تۆمەتبار دەستگیرکراون.
عەقید هێمن کەمەرخان بەڕێوەبەری ڕاگەیاندن لە بەڕێوەبەرایەتی پۆلیسی دارستان و ژینگەی سلێمانی ڕایگەیاند: لە ماوەی 48 سەعاتی ڕابردوودا مەفرەزەکانی بەشی پۆلیسی دارستان و ژینگەی دەربەندیخان و بنکەی پۆلیسی دارستان و ژینگەی بیارە/ خورماڵ توانیان (13) تۆمەتبار دەستگیر بکەن.
لە ڕاگەیەندراوێکدا کە وێنەیەکی بۆ خەندان نێردراوە، عەقید هێمن کەمەرخان وتی: "ئه و تۆمەتبارانە سەرقاڵی ڕاوکردنی ئاژەڵ و باڵندەیی کێوی بوون و 3 تۆمەتباریان سەرقاڵی ڕاوکردنی ماسی بوون".
وتیشی: "هاوکات دەستگیرا بەسەر (1) تۆڕی ماسی و (4) کیلۆ ماسی و (2) ئۆتۆمبێل و (4) چەکی تاپڕ و (1) چەکی جۆری بادی و (1) بلاجکتۆردا".
لە ڕاگەیەندراوەکەشدا هاتووە کە لەلایەکی ترەوە مەفرەزەیەکی بەشی پۆلیسی دارستان و ژینگەی ماوەت لە دەرچوونێکیان بۆ سنوری گوندی ماشان توانییان دەست بگرن بەسەر (1) موەلیدە و (5) تۆڕ و (19) مەتر وایەردا.
عقید هێمن ڕوونیشیکردەوە کە سەرجەم تۆمەتباران و کەرەستەکانیان ڕادەستی یاسا کران.
بەڕێوەبەری ڕاگەیاندن لە بەڕێوەبەرایەتی پۆلیسی دارستان و ژینگەی سلێمانی جارێکی تر پەیامی ئاراستەی سەرجەم هاووڵاتیان کردەوە کە پابەندبن بە ڕێنمایەکانی پۆلیسی دارستان و ژینگە و پارێزگاری لە سامانی سروشتی و ژینگەی کوردستان بکەن.
- 14-06-2015
Ev babet bi zimana (کوردیی ناوەڕاست) hatiye nvîsandin, klîk li aykona
bike ji bu vekirina vî babetî bi vî zimana ku pî hatiye nvîsandin!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Ev babet 8,469 car hatiye dîtin
Raya xwe li ser vî babetî binivîsin!