دەروون ڕەشید، سەروین خەلیل
شێخ قاسم ڕەسوڵ بەرزنجی بەرێوبەری گشتی حەج و عەمرە کۆنگرەیەکی ڕۆژنامەوانی تایبەت بەڕێ و شوێنەکانی بەڕێوەچوونی حەجی ئەمساڵ سازدا.
شێخ قاسم ڕەسوڵ بەرزنجی بەرێوبەری گشتی حەج و عەمرە ڕایگەیاند: ژمارەی ئەوحاجیانەی کە دەست نیشانکراون لەدەستەی حەجی عیراقی بۆ هەرێمی کوردستان ژمارەیان 3656حاجیە وەک ساڵی پار ژمارەکە نەزیادو نەکەمی کردووە، له و ژمارەیەش 3470هاوڵاتی ئاساییه و ئەوانیتریش و فەرمانبەران و خاوەن کۆمپیانیاکان و لیژنەی پزیشکی مورشیدانی ئاینی تێدایە.
وتیشی: ئه و کەسانەی دەیانەوێت سەفەرەکەیان دوابخەن ئێمە دەرگامان بۆیان کردۆتەوه و بەئاسانی دەتوانن سەفەرەکەیان دوابخەن و ساڵێکی تر بچن بۆ حەج بێ ئەوەی مافیان بخورێت، ئەویش بەهۆی ئەم بارە ناهەموارەی هەرێم پێیدا تێپەڕئەبێت، هەر هاوڵاتیەکیش دەبێت بڕی چوار ملیوێن و دووسەد هەزاردینار بدات.
بەڕێوەبەری گشتی حەج و عەمرەی هەرێمی کوردستان لە لێدوانێکی تایبەتیشدا بە خەندانی ڕاگەیاند:" ڕۆژی یەکشەممە #08-03-2015# مامەڵەی حاجیانی ئەمساڵ بۆ عەرەبستانی سعودی دەست پێدەکات، دواکات بۆ تەواوبوونی مامەڵەکان ڕێکەوتی #07-04-2015# دەبێت.
وتیشی:" داوا لە هاوڵاتیانی هەرێمی کوردستان دەکەم بەر لەوەی پارەیان لیوەربگیرێت، سەردانی بنکە تەندروستیەکان بکەن لە شارەکانی هەرێم کە بۆیان دیاری کراوە، بەمەبەستی ئەنجامدانی پشکنینی پزیشکی.
- 04-03-2015
Ev babet bi zimana (کوردیی ناوەڕاست) hatiye nvîsandin, klîk li aykona
bike ji bu vekirina vî babetî bi vî zimana ku pî hatiye nvîsandin!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Ev babet 7,299 car hatiye dîtin
Raya xwe li ser vî babetî binivîsin!