ئەنوەر ئەحمەد کەریم، ناسراو بە حاجی ئەنوەر، ساڵی 1957 لەشاری هەڵەبجە هاتوەتە دنیاوە، یاریزانی تیپی هیوای هەڵەبجە و یانەی وەرزشی سلێمانی تۆپی پێ بووە، 1979- 1987 پێشمەرگە بووە لەریزەکانی ینک دا و دوای زیندانیکردن و ڕاونانی ژمارەیەک لە بەرپرس و پێشمەرگە، وازیهێناوە. لە ڕاپەڕیندا بەشداریی کردووە لەپێکهێنانی یەکەم بنکەی شورایی و بەڕێوەبردنی دادگای شۆڕشگێڕانەی خەڵک. 1993 بەشداریی لە پێکهێنانی یەکێتی بێکاران لە کوردستان و دواتریش ڕێکخراوی بێکاران لە کوردستان و نوێنەرایەتی هەردوو ڕێکخراوەکەی کردووە، خاوەن ئیمتیاز و دەستەی نووسەرانی هەردوو بڵاوکراوەی دەەنگی بێکاران و خەباتی بێکاران بووە. لەساڵی 1996 لە وڵاتی سویسرا نیشتەجێ بووە و بەشداریی لەپێکهێنانی ڕێکخراوی پەنابەرانی کوردستان- عێراقدا کردووە و مانگەنامەی ژیاری تا 8 ژمارە ئامادەکردووە. ئەندامی دەستەی دامەزرێنەر و بەڕێوەبەری ناوەندی هەڵەبجە دژ بە ئەنفالکردن و جینۆسایدی گەلی کورد چاک ە.
Ev babet bi zimana (کوردیی ناوەڕاست) hatiye nvîsandin, klîk li aykona
bike ji bu vekirina vî babetî bi vî zimana ku pî hatiye nvîsandin!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Ev babet 7,301 car hatiye dîtin