ناڤ: شێخ دەرمان
ناڤێ بابی: شێخ حسێن
ساڵا ژ دایکبوونێ: #1924#
ڕۆژا کۆچکرنێ: #01-01-2010#
جهێ ژ دایکبوونێ: گوندێ سرێچکا- تلکێف
جهێ کۆچکرنێ: گوندێ #سرێچکا#
$ژیاننامە$
شێخ دەرمان کوڕێ شێخ حسێن کوڕێ شێخ هەڤندە. ژ شێخێت مەلک شێخ حەسەنە و پەرتووکا جەلوە ( پەرتووکا پیرۆزا ئێزدیان ) یا شێخ حەسەن ل بنەمالا وان یا پاراستی یە. شێخ دەرمان ل ساڵا 1924ێ ل گوندێ سریچکا سەر ب باژێڕۆکێ تلکێفێ ژ دایکبوویە، شێخ دەرمان هەر ژ گەنجاتیا خوە دا ئەو و هەردوو برایێت خوە شێخ ڕەشۆ و شیخ زێندین لسەر دەستێ بابێ خوە فێری زانست و زانینا دینێ ئێزدییان بووینە و پەرتووکا جەلوە لناڤ گوندێن ئێزدیان دە گێڕاینە و ژ بۆ خەڵکی ل مالا خۆ ژی ڤەدکرن.
ژ بلی وێ یەکێ شێخ دەرمان ل بەر دەستێ کۆچەک سادق خەلکێ باشیک و بەعزانێ گەلەک زانیاریێن دینی و قەول و بەیت و قەسیدە و دوعا ژێ هەلگرتینە. ب درێژیا تەمەنێ خوە شێخ دەرمان کۆمەک ژ تێکستێن دینی کۆم کرینە وەکی من ژ کورێ وی شێخ زاهدی زانی ئەوی دەوروبەری (200) دوو سەد تێکستێن دینی و دوعا و بەیت و قەسیده و خزێمۆک و روبارین و چیرۆک هەنە و زانیاریێن پڕ لسەر شیخادی و بنەمالا شێخ حەسەن هەنە. شێخ دەرمان هەر ژ ساڵا (1958-1963) ئانکو ژ دەمێ عەبدولکریم قاسم هاتیە سەر دەستهەڵاتێ ل گوندێ سرێچکا بوویە مامۆستایێ دینی و بابەتێن ئێزدیاتیێ دانە بەر خوندکارێن ئێزدیان. شێخ دەرمان هەتا ڤان دوماهیکا مجێورێ قوبا شێخ بادر بوو کو خودانێ گوندێ سرێچکا یە ( دبێژن شێخ بادر ناڤێ دەروێش ئادەمە بابێ براهیم ئادەمە کۆ ناڤێت وان د ئەدەبێ دینێ ئێزدیاتیێدا هاتینە و قەول ب وانڤە هاتینە گوتنێ. ئەڤ دەروێش ئادەمە ژ خۆرستانێ هاتیە بەغدایێ و شامێ و پشترە - وەک چیروکێن ئێزدیان د بێژن -خۆ دگەهینتە لالشێ). شێخ دەرمان ل ڕۆژا 01-01-2010ێ ل گوندێ سرێچکا چوو بەر دلۆڤانیا خودێ و لبەر مزارگەهێ شێخ بادر هاتە ڤەشارتن .[1]