ناونیشانی پەرتووک: شەقڵاوە و خۆشناو لە بەڵگەنامەکانی عوسمانیدا، بەرگی یەکەم
ناوی نووسەر: #هێمن عومەر خۆشناو#
شوێنی چاپ: #سلێمانی#
چاپخانە: کارۆ
ساڵی چاپ: 2018
پوختەی لێکۆڵینەوە (شەقڵاوە و خۆشناو لە بەڵگەنامەکانی عوسمانیدا) ناونیشانی ئەو لێکۆڵینەوەیە، کە هەوڵدەدات لەبەر ڕۆشنایی بەڵگەنامەکانی ئەرشیفخانەی عوسمانی لە ئیستەمبول، ڕۆشنایی بخاتە سەر لایەنی مێژوویی و کارگێڕی و زانستی و کۆمەڵایەتی و سیاسیی شەقڵاوە. هەر لە نیشاندانی گرفتی میرەکانی خۆشناو لەگەڵ دەوڵەت و مووچەکانیان و باری بازرگانیی خۆشناوەکان لەو سەردەمەدا و زانست و زانیاریی لە مەدرەسەکانی شەقڵاوە و خۆشناوەتی و گرفتی ئەشقیاکانی خۆشناوەتی لەگەڵ دەوڵەتی عوسمانی و ڕۆژ و مانگ و ساڵ و پلە کارگێڕییەکان و هەڵوەشاندنەوەی ئیدارەی شەقڵاوە بۆ چەند ساڵێک و ناکۆکیی نێوان مستەفا بەگی میرمەحمەلیی شەقڵاوە و شێخ سەعیدی حەفید و پرسی موڵکی وەقفکراو لە شەقڵاوە و شەڕی جەماوەری شەقڵاوە و عوسمانییەکان بەوردی باس دەکات. هەروەها گرنگی شەقڵاوە لە ڕووی سەربازییەوە لە بەڵگەنامەکانی عوسمانیدا و ئەو کەسانەی ڕۆڵیان لە بواری کارگێڕی هەبووە و هەوڵی بە قەزاکردنی شەقڵاوە و ناڕەزایی خەڵک لە بەڕێوەبەرایەتی شارەکە و دادگاییکردنی بەڕێوەبەرەکە لەلایەک و شەقڵاوە و تابووری سەربازی و شەقڵاوە و ڕێگای تەلەگراف و بەرید لەلایەکی دیکەوە تیشکی دەخاتە سەر. لەگەڵ ئەوەشدا ڕووناکایی دەخاتە سەر بزاڤی زانستیی شارەکە و پەیوەندییەکانی مسوڵمان و دیندارەکان و ڕۆڵی هۆزی خۆشناو بە هەر سێ بەرەبابەکەیەوە (میروسویی، میرمەحمەلی، پشتگەلی) و هەموو ئەو گرفت و کێشانەی کە لە ماوەی سەردەمی حوکمڕانی عوسمانییەکان کە ڕووبەڕووی ئەو شار و هۆزانە بوو نەتەوە دەکۆڵێتەوە. ئەم توێژینەوەیە ئەوەندەی ئێمە بیزانین، دەبێتە یەکەم توێژینەوە لە چوارچێوەی بەڵگەکان بۆ ئەم شارە و تەنانەت بۆ هەموو شارەکانی کوردستان، یەکەم توێژینەوەی مێژوویی شارناسییە لە ڕوانگەی بەڵگەنامەکانی عوسمانیدا و بە سەرچاوەی جۆر بە جۆریش بەشێک لە زانیاری ناو بەڵگەنامەکانی پشتڕاستکردووەتەوە.
[1]
Lire le livre: شەقڵاوە و خۆشناو لە بەڵگەنامەکانی عوسمانیدا
Télécharger Total:
40 fois
Nous demandons à tous les auteurs, traducteurs et éditeurs de nous informer s'ils ne sont pas d'accord pour avoir leurs livres téléchargés depuis un serveur Kurdipedia.
Cet article a été écrit en (کوردیی ناوەڕاست) langue, cliquez sur l'icône
pour ouvrir l'élément dans la langue originale!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Cet article a été lu fois 416
Donnez votre avis sur ce produit!