ئاکۆ حەمەد ڕابی، سۆران: بەڕێوەبەری ڕاگەیاندنی پۆلیسی هاتوچۆی سۆران، ئیبراهیم ئەحمەد، ئەمڕۆ، دوشەممە، بەئاوێنەنیوزی ڕاگەیاند، لەماوەی شەش مانگی ئەمساڵدا لەسنوری قەزاکانی سۆران- چۆمان- ڕەواندزو مێرگەسۆردا 85 ڕوداوی جۆراوجۆری هاتوچۆ ڕویانداوه و لەئەنجامیشدا135 هاوڵاتی بونەتە قوربانی. که له و ژمارەیە 15 هاوڵاتی گیانیان لەدەستداوه و 120 هاوڵاتیش بریندارو کەمئەندامبون.
ئەوەشی ڕونکردەوە کە زۆربەی ڕوداوەکانی هاتوچۆ لەرێگەی، هامڵتۆن، لەسنوری قەزای چۆمان ڕویانداوه و تەنها لەهەفتەی ڕابردودا 5 هاوڵاتی له و ڕێگەیەدا گیانیان لەدەستداوە.
بەڕێوەبەری ڕاگەیاندنی پۆلیسی هاتوچۆی سۆران هۆکارەکانی زۆری ڕوداوەکانی هاتوچۆی لەناوچەکەدا گەڕاندەوە بۆ خراپی ڕێگه و بانەکان و خێرایی لێخوڕین و پابەندنەبونی شوفێران بەمەرج و ڕێنماییەکانی هاتوچۆ.
- 08-07-2013
Cet article a été écrit en (کوردیی ناوەڕاست) langue, cliquez sur l'icône
![](https://www.kurdipedia.org/images/flags/ku.png)
pour ouvrir l'élément dans la langue originale!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Cet article a été lu fois 6,497