کورد دلۍ چەرخەکا تاریخینە
بەشۍ: سەڎ و هەژدەهەمە
نویستەی: #هاوڕێ باخەوان#

ساڵەو (1784ز): ئەچی ساڵ و سەڎەنە چن تۊمارێ مەنېنێ پەی ئېمە:
*سەیدی هۆرامی شاعېر، دلۍ دەگاو (خانەگا)ی ئامان دنیا، نامېش مەڵلا موحەمەڎ حاجی سەی مەحموڎەن.
*کۊچی دمایینو شاعېر، مورادخان جە سەرنیشتو کوردەسانی.
*برێکۍ میر موستەفا بەگ ئۆغوز بەگ میرو سۆرانی لوێ پاڵو بابانەکا، پەی ئانەی زدو براکێشا گژیان.
*شارو سلێمانی بنیاڎ نریان، بە فەرمانو ئیبراهیم پاشاو بابانی، دماتەر پایتەختەکەش دلۍ قەڵاچوالانیۆ فاڕانۆ پەی دلۍ شارو سلېمانی.
ساڵەو (1785ز): یام ساڵەی دمایینە، مەلاو خەتێ ئامان دنیاوە، کەسێ خائین بیەن بە میللەتەکەیش. ئەچی ساڵېنە هەمدیس تورکەکۍ هېرششان کەردەنۆ پەی سەرو هۊزو (بانۆک)ی، بەڵام هەر سەرکۆتۍ نەبیېنۍ. ئەچی دساڵېنە میرزا شەفیعی جامەڕېزی کولیایی شاعېر، ئامان دنیاوە، نامبریا داستانو لەیلۍ و مەجنونیش هۆڼانۆ.[1]