گوفتمانی کوردی و ئەوەژیونای زوانی هۆرامی
بەشۍ: پەنجەمە
با بەڵگەکێ قسێ کەرا

بەپاو کتېبوو تارېخو نەسری هۆرامی، نەسری مۆردێڕنی هۆرامی، جە دلێ سۆڼەتی کوردایەتیو هۆرامیەکانە هۆرقوڵیا (سدێق موفتی زادە)، پیشگامەکېش جە دەهەو حەفتایەنە دیسان سۆڼەتی کوردایەتیەنە پنە یاوەیبێنێ (محەمەد یوسف ڕەسوڵ ئابادی، جەلیل عەباسی، ڕەئووف مەحموود پور)، جە دەهەو هەشتای تاکو نەوەڏیچ کە ئی حەرەکەتە پەرەش ئەسا، دیسان پڕکارتەرین نویسەرێش کە فرەتەرین کتېبېشا پنە نویستەن و فرەتەرین مۆحتەواشا بە زوانی هۆرامی تەولید کەردێنە (ڕەئووف مەحموود پور، فەرشید شەریفی، کورۆش ئەمینی)، هەر چوار چۆ کوردبېیەیەنە ویرشا کەردەنۆ. سەرفی نەزەر جە ئاستو کەیفییەتوو کتېبەکا کە بە ئاشکرا هینوو ئا نویسەرا کە سەر بە سۆڼەتی کوردایەتیەنێ، ئینا سەرتەرۆ.
بێجگەم ئینېشا ڕەنگە گەورەتەرین بەڵگە پەی ئانەیە هۆرامی نویستەی چېروو کاریگەری گوفتمانی کوردیەنە دەسش پنە کەرد، ئانەنە کە وەختێو هۆرامی نویستەی دەسش پنە کەرد، بە ڕانویسی کوردی دەسش پنە کەرد. ئیسەیچ گردو هەرمانە جددیا حەوزەو هۆرامی نویستەیەنە، بە ڕانویسی کوردی کریا.
مودەڕڕێس سەعیدی.[1]