ئەمڕۆ #16-08-2022# لە بارەگای مەکتەبی سیاسی #پارتی دیموکراتی کوردستان# لە #پیرمام#، #فازڵ میرانی# سکرتێری مەکتەبی سیاسی پێشوازی لە هەریەکە لە بەتریارکی کاردیناڵ (لویس ساکو) بەتریارکی کەنیسەی کلدانی لە ئێراق و جیهان و، متران بشار وەردە سەرۆکی ئەساقیفەی ئەبرەشەی #هەولێر#ی کلدانی کرد.
لە دانیشتنەکەدا فازڵ میرانی سکرتێتی مەکتەبی سیاسی پارتی دیموکراتی کوردستان، بەگەرمی بەخێرهاتنیانی کرد و پوختەیەک لەسەر ڕەوشی ئێراق و کوردستانی خستەڕوو و، هەروەها تیشکی خستە سەر خەباتی پارتی دیموکراتی کوردستان، کە لە درووشمەکانی هەرە سەرەکی پارتی، پتەوکردنی پێکەوەژیانی چین و توێژەکانی هەرێمی کوردستان بووە، میرانی دووپاتی کردەوە، کە ئەو پێکەوەژیانەی لە کوردستان هەیە، جێگای سەرفرازییە بۆ هەموومان و پارتی دیموکراتی کوردستان سەربەرزە بە خەباتی خۆی و دەستکەوتەکانی، هەروەها دانپێدانان بە هەڵەکان لە پرنسیپەکانە لەناو پارتی داو ئەمە میراتێکە، کە لە بارزانی باوک بۆمان ماوەتەوە.
هەروەها میرانی دووپاتیکرد، کە هەر لە دامەزراندنی پارتی درووشمەکانی کردووەتە ئەمری واقع و جێبەجێی کردووە و، لێکۆڵینەوە لە مێژوودا بۆ دۆزینەوەی سەرکەوتنەکان و دەستکەوتەکان زۆر گرنگە، بەڵام لێکۆڵینەوە لە کەموکووڕییەکان لەوە کەمتر نییە.
لەلای خۆیەوە، بەتریارکی کاردیناڵ (لویس ساکو) بەتریارکی کەنیسەی کلدانی لە ئێراق و جیهان، سوپاسی مەکتەبی سیاسی پارتی کرد، بۆ ئەو پێشوازییە گەرمەی کە لێیان کراو، پیرۆزبایی خۆی ئاڕاستەی سەرکردایەتی و کادیران و لایەنگرانی پارتی کرد بە بۆنەی 76ەمین ساڵڕۆژی دامەزراندنی و ڕۆڵی پارتی هەر لە دامەزراندنییەوە تا ئەمڕۆ لە پاراستنی پێکهاتەکان و پتەوکردنی دامەزراندنی پێکەوەژیان لە هەرێمی کوردستانی بە بەرزی نرخاند و هیوای خواست، کوردستان هەر لە پێشکەوتندا بێت. [1]
Kurdipedia is not responsible for the content of this item. We recorded it for archival purposes.
This item has been written in (کوردیی ناوەڕاست) language, click on icon
to open the item in the original language!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
This item has been viewed 439 times
Write your comment about this item!