سوند و بەرات
سوند خۆر د ئێزدیاتیێ دە
سوندا مەزن د ئێزدیاتیێ دا بەراتە
هەر ئێزدیێ ب بەراتێ سوند خوار ئەو مەزنترین سوندە و شەهدەیێ سوندا بەراتێ خودێ یە
هەکە پرسا پیرۆزی و قەدرێ بەراتێ بکەی دێ زانی بەرات چقاس یە مەزن و پیرۆزە د باوەریا مە ئێزدیاندا بەرات هێڤێنێ جەبراندنا عەرد و عەزمانە. هەکە بەرێ خۆ بدەیێ و پێژی خاس و بابچاک د مەزنن بەلێ بەرات بەری وانە و هەکە تە گۆت: وەلی و سالەح د مەزنن بەلێ بەرات مەزنترە و هێڤێنە. لەوما ئێزدی ب بەراتێ سوند دخۆن و ل سوندا خۆ لێ ڤە نابن. کەسێ ب بەراتێ سوند خوار و ل سوندا خۆ لێڤەبوو ئەو کەسێ ل هەقیا خودێ لێڤەبوو و ئەو کەس دێ پۆ شمان بت و هەر وەکا ل چەند تەمام ل ئەرکان و پیرۆزیا لێڤە دبت خودێ بەرات کرە هێڤێن و هاڤێتە ناڤا بەحرێ و ئەڤ دنیا هەموو عەرد و عەزمان ژێ پەیدابوو و خەملی و کەملی و کەسێ ب بەراتێ سوند خوار رامان ژێ ئەوی ب عەرد و عەزمان و هەموو خاس و بابچاکان و پیرۆزی و ئەرکانا سوند خوار. ژ ئەدەبێ دینێ مە ئێزدیان ژ قەولێ ئەفراندنا کنیاتێ دەتە دیارکرن و دبێژیت:
پەدشێ من هێڤێن هاڤێتە بەحرێ مەینی
دخانەک ژێ دخنی
هەر هەفت عەزمان پێ نژنی.
پەدش من ل عەزمانا کربوو سەفەرە
ئەو بوو جارە سەخەر کەری کەربکەرە
کرە رکنێ چەندی مەنبەرە.
ل گۆڕ سەبەقا قەولی د دەتە دیارکرن: هەر کەسی ب بەراتێ سوند خوار ئانکو ب هەر چار روکنێت کنیاتێ سوند خوار و کەسێ ل وێ سوندێ لێڤە بوو ئەو کەس کەسەکی بێ ئەرکانە و بێ باوەرە و بێ بەخت و بێ وەژدانە و دێ ڤەگەرێتە وێ هندێ دێ ئێتە ناسین کەسەکی بێ مروەت و بێ خودێ و دێ گونەﮪ باربت و رۆژ بۆ رۆژێ دێ ب خۆ زانت خەلەتی وا کری و ل سەر سێ بابە خەلەتیا وی دێ ئێتە گۆتن و شەرمەزارکرن. لەوما بارێ سوندێ گەلەکی گرانە و کەسێ سوند خوار دڤێت براستی بت و پشتی سوندێ خۆ شاش نەکەت و کەسەک ب نەزانی دەرباز نابت و ژ ئەدەبێ دینی دبێژیت:
ئاقل هەدایەتە
کەسێ ب تەربی یەتە
ئەو روحا ل بەر پەدشێ خۆ ب عزەتە.
ل دومایێ هیڤیە ئەم هەموو بزانین بارێ سوندێ و پیرۆزیا بەراتێ ژ هەقیا خودێیە و یێ تەمام خودێیە
- پیر خلات. [1]
Kurdipedia is not responsible for the content of this item. We recorded it for archival purposes.
This item has been written in (کرمانجی) language, click on icon
to open the item in the original language!
ئەڤ بابەت ب زمانا (کرمانجی) هاتیە نڤیساندن، کلیک ل ئایکۆنا
بکە ژ بو ڤەکرنا ڤی بابەتی ب ڤی زمانا کو پی هاتیە نڤیساندن!
This item has been viewed 452 times
Write your comment about this item!