ناونیشانی بابەت: دوو گیراوەی بەسوود بۆ ئازارشکاندن، کەدەتوانرێت لەبری ئازارشکێنە دژەهەوکردنەکان بەکاربهێنرێت
ئامادەکردن: د. #هەڤین کەمال شا محەمەد#
ئەوەی ڕوونە وەرگرتنی ئازارشکێنەکان لە مانگی ڕەمەزانی پیرۆزدا کەمێک زەحمەتە لەبەر ئەو کاریگەریانەی زۆربەی ئازارشکێنەکان درووستی دەکەن لەسەر گەدە. بۆیە لێرەدا باس لە دوو گیراوەی سرووشتی دەکەین ، کە ئەوانەی ئازار و هەوکردنی بەردەوامی جومگەکانیان هەیە ، دەتوانن بەکاریبێنن، بۆ کەمکردنەوەی ئازار و هەوکردنیان...
=KTML_Bold=شەربەتی ئەنەناس + خەیار + زەردەچەوە+ دارچینی:=KTML_End=
میکانیزمی کارکردنی:
ئەنەناس ڕێژەیەکی زۆری دژە ھەوکردنی تیادایە بەناوی (برۆمیلاین) ، خەیار ڕێژەیەکی زۆر ئاو وڤیتامین سی (c) ی تیادایە، زەردەچەوەش ڕێژەیەکی زۆر دژەئۆکسید و دژەھەوکردنی تیادایە و ئازارشکێنی سرووشتی لەش بەرزدەکاتەوە، دارچینیش بەھەمان شێوە.
چۆنییەتی ئامادەکردنی:
یەک ئەنەناسی مامناوەند
دوو خەیار
(10-15) سەلکی سێ ئینجی لە ڕەگی زەردەچەوەی فرێش
یەک کەوچکی چا دارچینی.
ھەمووی لە عەسارەیەکدا دەگوشرێن و دەکرێنە ناو دۆلکەیەکەوە و ئینجا دارچینیەکەیان تێکەڵ دەکرێت. ئەم بڕە بەشی شەش نەفەر دەکات.
=KTML_Bold=شەربەتی توتڕک و سپێناغ و سێو:=KTML_End=
میکانیزمی کارکردن:
توتڕک ڕێژەیەکی زۆری دژەئۆکسیدی تیادایە بەناوی (ئەنتۆسایەنین) کەھەوکردن و ئازار کەمدەکاتەوە ، سپێناغ ڕێژەیەکی زۆر ڕیشاڵ و ئاسن و ڤیتامینەکانی تیادایە ، سێو ڕێژەیەکی زۆر ڤیتامین و ڕیشاڵی تیادایەو تامیشی خۆشە.
چۆنییەتی ئامادەکردنی:
دوو کوپ توتڕکی فرێش
دوو کوپ گەڵای سپێناغ
دوو سێوی سووری مامناوەند
لەعەسارەدا دەگوشرێن و دەخورێنەوە.
گرنگە ئەم شەربەتانە بەفرێشی ئامادەبکرێن و بخورێنەوەو لە 24 کاتژمێر زیاتر لەناو سەلاجەدا نەمێننەوە. [1]
Kurdipedia is not responsible for the content of this item. We recorded it for archival purposes.
This item has been written in (کوردیی ناوەڕاست) language, click on icon
to open the item in the original language!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
This item has been viewed 213 times
Write your comment about this item!