ناو: کاروان
ناوی باوک: ڕەمەزان
ڕۆژی لەدایکبوون: #22-07-1979#
شوێنی لەدایکبوون: #ڕواندز#
$ژیاننامە$
ناوی تەواوی (کاروان ڕەمەزان مەولود)ە، لە 22-07-1979 لە ڕواندز لەدایکبووە، دەرچووی پەیمانگای هونەرە جوانەکانی هەولێرە، ساڵی 2010 هاوسەرگیری کردووە و کوڕ و کچێکی هەیە کوڕەکەی ناوی ڤاری و کچەکەی ناوی چامە یە، ساڵی 1993 چووەتە خولی موسیقا، لە هەمان ساڵ ئەندامی دەستەی دامەزرێنەری تیپی گەڵاڵە بووە لە شارۆچکەی سۆران، ساڵی 1995 تا 1998 لەگەڵ تیپی گەڵاڵە بەشداری سەرجەم چالاکییەکانی کردووە، ساڵی 2000 لە ناوەندی هونەری هەولێر لە سلێمانی بەشداری لە سەرجەم چالاکییەکانی ئەو تیپە کردووە، وەک ژەنیار لە یەکەم بەرنامەی ئاوێنەی کەناڵی ئاسمانی کوردسات بەشداری کردووە بۆ ماوەی چەند ساڵێک، وەک ژەنیار لە بەرنامەی گوڵستانی گۆرانی لە کەناڵی ئاسمانی کوردسات بەشداری کردووە، ساڵی 2000 بۆ 2003 وەک ژەنیار لە ئەلبومی کۆمەڵێک هونەرمەند بەشداری کردووە لەوانە (حەمە ڕەئوف کەرکووکی- یونس بوراقی- بورهان خۆشناو) هیتریش، ساڵی 2005 لەگەڵ هونەرمەندان (هێمن حوسێن و ئاکۆ عومەر) لە شاری هەولێر ستۆدیۆی میلۆدی بۆ کاری گۆرانی و مۆسیقا داوە، لەهەمان ساڵ تاکو ئێستا وەک ژەنیار لە ئەلبومی کۆمەڵێک هونەرمەند بەشداری کردووە لەوانە (سامان عومەر- هێمن حوسێن- کیژان ئیبراهیم خەیات)، وەک ژەنیار لە تەلەفزیۆنی زاگرۆس ئەندامی تیپی مۆسیقای کورد بووە و لە چەندین بەرنامەی ئەو کەناڵە بەشداری کردووە لەوانە (ستۆدیۆی ئەستێران- دیداری هونەری)، وەک ژەنیار لە بەرنامەی سۆزی کەناڵی ئاسمانی کوردسات بەشداری کردووە و کاری بۆ چەندین هونەرمەند کردووە لەوانە (ڕۆژ کەریم- هێمن حوسێن- نازدار- بورهان خۆشناو- ڕۆژین)، وەک ژەنیار لەگەڵ گروپی میوزیکی کورد لە بەرنامەی میلۆدی کەناڵی ئاسمانی کوردسات بەشداری کردووە و چەندین بەرنامەیان بۆ ئەو کەناڵە تۆمار کردووە، ساڵی 2009- 2010 وەک میوزیک ژەن لە کەناڵی ئاسمانی کۆڕەک بەشداری چەندین بەرنامەی کردووە لەوانە (کام تراک- ئەژدەر وەهبی شۆ)، وەک ئامادەکاری میوزیک کاری بۆ کۆمەڵێک هونەرمەند کردووە لەوانە (دەرباز شێرزاد- لوقمان سەلیم- شەهریار- ئەنجام- بورهان خۆشناو)، خاوەن و بەڕێوەبەری ستۆدیۆی میلۆدیە لە شاری هەولێر، ئیستا کە ساڵی 2021 خوێنکارە لە کۆلێژی هونەرە جوانەکان زانکۆی سەڵاحەددین. [1]
This item has been written in (کوردیی ناوەڕاست) language, click on icon
to open the item in the original language!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
This item has been viewed 205 times