وەڵامێک بۆ بەڕێز سەرۆکی پەرلەمانی کوردستان
دوای ڕەتکردنەوەی یاداشتی 24 پەرلەمانتارەکە لە شەش فراکسیۆنی پەرلەمانی بەمەستی پرساندنی سەرۆکی حکومەت و جێگرەکەی و وەزیری دارایی، سەرۆکی پەرلەمانی کوردستان ڕونکردنەوەیەکی بڵاوکردۆتەوە و تیایدا وەڵامی سەرۆکی فراکسیۆنی کۆمەڵ بۆ یٔەو ڕەتکردنەوەیە بە (چەواشەکاری) وەسفدەکات !
هەڵبەت لە دۆخی بەڕێزیان و یٔەو فشارە حزبیی و شەخسییانە تێدەگەین کە لەسەریانە و یٔەوەش دەزانین کە خەریکی هێنانەوەی پاساوە بۆ ڕێگرتن لە پرساندنی یٔەو تۆڕە گەندەڵییەی بوونەتە کارەسات بۆ ژیان و گوزەرانی خەڵک، بەڵام لەوە کارەساتتر یٔەوەیە ستەم و هەڵەی خۆت بەرامبەر پەرلەمانتاران و خەڵکی بێ موچە و نانبڕاوی هەرێمی کوردستان بە هەندێ بیانوی شکڵی و پاساوی پەیڕەویەوە داپۆشیت.
پەرلەمانتارانی یٔەو شەش فراکسیۆنەی پێشوو کە یاداشتیان یٔاراستەی بەڕێزتان کرد بۆ پرساندن لە حکومەتی هەرێم، بەدیاریکراوی لەو ستەمە گەورەیەی کە دوو مانگە لە موچەخۆران دەکرێت و لەسەدا 21 ی موچەکانیان دەبڕدرێت، بەڕێزت کە ڕەتیدەکەیتەوە و داوا دەکەیت بەڵگە هاوپێچ بکەین، بەڕاستی جێگەی سەرسوڕمانە چۆن دەکرێت سەرۆکی بەرزرترین دەسەڵاتی یاسادانان و چاودێری یٔاگاداری یٔەوە نەبێت کە مانگی یٔەیلولە و خەڵک هێشتا موچەی چوار مانگ پێش یٔێستای وەرنەگرتووە و بە دوو مانگ جارێک موچەیەکی بدرێتێ یٔەویش سەدا 21 ی لێ ببڕدرێت بەبێ پشت بەستن بە هیچ کام لەو یاسا بەرکارانەی کە پەرلەمانی کوردستان دەریکردووە ؟!
یٔەوەتا حکومەتی هەرێم کە سەدا 21 ی موچەی خەڵکی بڕیوە (وێنەی بڕیارەکە هاوپێچە)، بڕیارە نایاساییەکەشی لە ڕۆژنامەی (وەقایعی کوردستان)دا بڵاوکردۆتەوە، چۆن دەکرێت سەرۆکی پەرلەمان یٔاگاداری یٔەو ڕۆژنامەیە نەبێت و داوا لە پەرلەمانتاران بکات بەڵگەی بدەنێ ؟!
پاشان سەرۆکایەتییە لاوازەکەی یٔێوە و حکومەتە قەرزارەکەشتان کەی و لەکوێ گوێی بە یاسا داوە تا بەڕێزتان بەناوی پاراستنی یاساوە ببنە بەشێک لەو دەسەڵاتە گەندەڵەی کە یٔەم وڵاتەی بەم ڕۆژە ڕەشە گەیاندوە ؟!
نوسینگەی ڕاگەیاندنی
سەرۆکی فراکسیۆنی کۆمەڵ
#03-09-2020#