ئەوەی کەرێکی نەبێت، کەرێک ناهێنێت
لەکۆندا(بارەبەر-باربەر) يان(ووڵاغە بەرزە) شوێنی ماشێن و ئۆتۆمبيلی ئەمڕۆی گرتبۆوە، بۆ هەموو کارێکی(ناوماڵ و کێڵگە و بەبازاڕبردن و باراش بردنە ئاش و بارەدارهێنان و ڕەشکە کا و تێڕکەی ئاو وخاک وخۆڵ وقەتارەی ترێ و تەماتە و گندۆرە و تاد) گواستنەوە ڕۆڵی کارای هەبووە، ئەگەر ئارد و ئاو و دار لەماڵێک ببڕايە ئەوا دەبوايە گەنم و دانەوێڵە بەپشتی گوێدرێژەکە ببات بۆ ئاش، تێڕکەکە بخاتە سەرپشتی ووڵاغە بەرزەکە بەره و کانی و کارێز و ڕووبارەکە ببات و پڕی بکات، بۆ هێنانی بارەداريش بە پشتی کەرەکەيەوە بچێتە هەرد و کێوان و دارستان و لێرەوارەکان بۆ هێنانەوەی بارەدارێک ئينجا ئەگەر کەسێک کەرێک يان وولاغە بەرزەيەکی نەبووايە و ئه و هەموو کارەی ماڵ و کێڵگه و بازاڕ و تاد هەبوايە لەبەرخۆيەوە دەيگۆت(ئەوەی کەرێکی نەبێت کەرێک ناهێنێت)هەڵبەت ئەمەش بۆ ئێستا لەبارە بوترێت ئەوەی(ئۆتۆمبيلێکی نەبێت، ئۆتۆمبيلێک ناهێنێت).
This item has been written in (کوردیی ناوەڕاست) language, click on icon
to open the item in the original language!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
This item has been viewed 3,905 times