کۆمپانیای دانەغاز ئەمڕۆ سێشەممە ئاشکرایکرد، #حکومەتی هەرێم#ی کوردستان، دوای ڕێککەوتنی لەگەڵ گروپی کۆمپانیای پیرڵ پترۆلیۆم، وەک قۆناغی یەکەم یەک ملیار دۆلاری ڕادەستی کۆمپانیاکە کرد.
لەنامەیەکدا بۆ بۆرسەی ئەبوزەبی کە ئەمڕۆ سێشەممە 5ی ئەیلول ئاڕاستەی کردووه و کۆپییەکی لای دواڕۆژە، کۆمپانیای دانەغاز ڕایگەیاندووە بەپێی ئه و ڕێککەوتنەی نێوانمان کە بەمدواییانە واژۆمان کرد، حکومەتی هەرێمی بڕی یەک ملیار دۆلاری ڕادەستی کۆمپانیای پێرۆڵ پترۆلیۆم کردووە، کە 35%ی پشکی دانەغازە.
راشیگەیاندوە، ڕۆژی 30 ئابی 2017 پێش واژۆکردنی ڕێککەوتنەکە پارەکەیان ڕادەستکراوە.
حکومەتی هەرێمی کوردستان و گروپی کۆمپانیاکانی پێرڵ پترلیۆم ڕێککەوتن سەبارەت بە دۆسیەکانی دادگای لەندەن کۆتایی بە کێشەکانی نێوانیان بهێنن و حکومەتی هەرێم بڕی 2.2 ملیار دۆلار وەک پێشەکی بدات بە کۆمپانیاکە، لەگەڵ پێدانی دوو بلۆکی دیکە و زیادکردنی بەرهەمێنانی غازی سروشتی.
دوای ڕێککەوتنەکەش پشکەکانی کۆمپانیای دانەغاز لە بۆرسەی ئەبوزەبی بەرێژەی 6.85% بەرزبۆوە.[1]
05-09-2017