دواڕۆژ، کۆچەر عەلی
وەزیری کشتوکاڵی هەرێم، ڕایدەگەیەنێت، هەرێمی کوردستان لەڕووی بەرهەمی خۆماڵی هێلکە و مریشکەوە گەیشتووەتە ئاستێکی بەرز و دەتوانێ لە80%ی پێداویستی ناوخۆ دابین بکات.
عەبدولستار مەجید، وەزیری کشتوکاڵ و سەرچاوەکانی ئاوی هەرێم بە دواڕۆژی ڕاگەیاند "هەرێمی کوردستان لەڕووی بەرهەمهێنانی هێلکە گەیشتووەتە خوددابینکاری، لەبەر زۆری بەرهەمەکەش بۆ چەندین پارێزگای دیکەی عێراق هەناردەی دەکەن".
وەزیری کشتوکاڵ، وتیشی "رێگە نادەین هیچ کەسێک بەبێ باج و گومرگ بەرهەم بهێنێتە نێو کوردستان".
عەبدولستار مەجید، ئاماژەی بەوەشکرد" لەڕووی پەلەوەرو مریشکیشەوە هەرێمی کوردستان 80% ی پێداویستی نێوخۆ دابین دەکات، ئەگەر بۆ پارێزگاکانی نێوەڕاست و باشووریش هەناردە نەکرێت، ڕێژەکە دەگاتە 100%.
- 21-12-2016
This item has been written in (کوردیی ناوەڕاست) language, click on icon
to open the item in the original language!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
This item has been viewed 4,704 times