خت هۊرمەگېرۊ
خت، بە ماناو ئیهانەی، سووکایەتی مەی، بە کەسێ ماچان هەکە گولانەتەرین ئیهانۍ قبووڵە نمەکەرۊ، پاسە وېش پەروەردەکەردەن هەکە مەردانە بژیوۊن. ئا جۊرە کەسۍ هیچ جۊرە سووکایەتیێ جە هەر کەسێ قبووڵ نمەکەران، دلۍ خەڵکینە بە کەسانۍ غیرەتیۍ و ئازێ ئەشناسیێنۍ، فرەو خەڵکی سڵشان چەنەکەرۊن.
ئا جۊرە کەسۍ ئیمانشان بە ئاراڎی وېشان هەن، بە مەردی ژیوان، سازش پەی هیچی نمەکەران، ئانەی باوەڕشان پەنەشەن هەر ئانەن، تەرسی نمەتاوۊ قەرارشان پەنە فاڕۊن، ئینێ سەرو ڕاو وېشاوە.[1]