ناونیشانی بابەت: دەرگا و پەنجەرەى خانووە کەلەپووورییەکانى کۆیە دەبرێن
ئامادەکردنی: #هەڵمەت بتوێنی#
چالاکوانێکى بوارى شوێنەوار دەڵێت: لەلایەن هەندێک کەسەوە دەگار و پەنجەرەى خانووە کەلەپوورییەکان دەبرێن و بەڕێوەبەرى شوێنەواریى کۆیەش دەڵێت ”سنوورێکمان بۆ ئەو دیاردەیە داناوە.“
شەماڵ ئەحمەد، نووسەر و چالاکوانى بوارى شوێنەوار، بە (باسکورد) ى ڕاگەیاند: بەداخەوە لە چەند مانگی ڕابردوودا چەندین کەرەستە و کەلوپەلی دێرین لە خانوو و کۆشکە دێرینەکانی گەڕەکە کۆنەکانی #کۆیە# بەتاڵان براون، ئەوە سەرەڕای ئاگادارکردنەوەی لایەنە ئەمنییەکان، بەڵام تا ئێستا هیچ کەسێک لەسەر ئەو دیاردەیە دەستگیر نەکراوە.
وتیشى: کەلوپەلەکان، وێڕاى دەرگا و پەنجەرە و کەرەستەکان، مێژووى هەندێکیان دەگەڕێتەوە بۆ سەدان ساڵ پێش ئێستا، بە جۆرێک، دوایین کەرەستە کە دیار نەماوە، ڕاگری یەکێک لە کۆشکەکانی بنەماڵەی چەلەبییەکانە، کە بە نەخش و زەخرەفەی فارسی هەڵکۆدراوە.
لاى خۆیەوە یەکێتیى واحید، بەڕێوەبەرى شوێنەوارى کۆیە، وێڕاى پشتڕاستکردنەوەى قسەکانى ئەو چالاکوانەى شوێنەوار، بە (باسکورد) ى ڕاگەیاند: بەهۆى ئەوەى لە خانووى چوارگەڕەکى کەلەپوورى ناو شارى کۆیە تەنیا چوار خانوو هى فەرمانگەى شوێنەوارن، نەمانتوانیوە مامەڵەى پاراستن و نۆژەنکردنەوەى خانووەکان وەک پێویست بکەین.
وتیشى: بەڵام دواى هەستکردنمان بەو دیاردەیە، بە فەرمى هێزە ئەمنییەکانمان بۆ چاودێرى و لێکۆڵینەوە لە دیاردەکە ئاگادار کردووەتەوە و ئەوانیش لاى خۆیانەوە کارى پێویستیان کردووە و هەست دەکەین دیاردەکە تا ڕادەیەکى باش کۆنتڕۆڵ کراوە و نەماوە، لە چاودێریکردن و پاراستنیشیان بەردەوام دەبین.[1]
کوردیپێدیا جە دلېنەو ئی بابەتۍ ۋەرپەرس نېیەن، خاۋەنو/خاۋەنۊ بابەتەکۍ ۋەرپەرسیارەن. کوردیپێدیا بە مەبەسو ئەرشیڤکەرڎەی ئی بابەتېشە تۊمارە کەرڎېنە.
ئی بابەتۍ بە زۋانی (کوردیی ناوەڕاست) نۋیسیێنە، پەی ئەۋەکەرڎەی بابەتەکۍ بە زۋانېۋ کە نۋیسێنە، سەرو ئایکۆنو
ی کلیک کەرە!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
ئی بابەتۍ 479 جارۍ ۋینیێنە
پەیلۋاو وېت چە بارەو ئی بابەتۍ بنۋیسە!