سەرو چاکاشۆ نما کەرە
چاکۍ کەوای، عەبێوە قاییمەنە، مەڵڵێ و پېیاخاسۍ و پیرە پیێ کەراشەنە، یام ۋزاش سەرو شاناشا، خەریکو نماکەردەی و خوڎا پەرەسینۍ. ئا کەسۍ هەکە پاکۍ و عالېنۍ، زەرەرشان پەی هیچ کەسی نېیەن، یاگۍ ئەسپارای گرڎ چېوێ گران بەهاینۍ، ماچان سەرەشان پەنە بسپارە.
ئا جۊرە کەسۍ وەختێ باسشان مەگنۊ دلۍ حەڵکی، ماچان: سەرو چاکاشۆ نما کەرە، یانی چاکېشا ئڼە پاکېنۍ پېسەنۍ زەمینو دلۍ مزگی، پېسە مەزانمۍ نما یاگەی پاکەنە کریۊن، چاکۍ ئا کەسا تەمام پاکېنۍ، ئیشارەتەن پەی وېشان، یانی دڵ و دەروون و دەس و چەمشان پاکەن.
ئینە تاریفدایێ تەمام و هەرەقەتینەن پەی پاکی ئا کەسا، ئیتر یانی چانېشا پاکتەر نېیەن.
بېجگە پېیا خاسا، پەی ژەنە قابیلیەت دار و خوڎا پەرەس و دامنە پاکایچ بەکارمێ.[1]