خوڎا دەرێ بڕۊ، یۊ گوشاڎ کەرۊ
خوڎای گۆرە هەر دەم هاگاڎارو بار و ژیوای بەڼەکاشەن، لاشەخەرېشان نمەکەرۊ، گەر قومیېوە، یان بەڵێوە بارۊ ملشارە هەر خێرەش چەنەنە، وېش زانان بە گرڎ چېوێ، خەڵکە ئاقڵەکۍ مزانا کە هەرمانەو خوڎای بۍ دانایی نېیەنە، گەر دەرێ بڕۊ جە بەڼێوەش، ئانە دەرێ تەرش پەی مەکەرۊوە، نمازۊ نائومېڎ بگنۊ.
فرەو جاری خەڵک دیەنشا وەختێ کەسێ توشو قومیێوە بۊن، چیلاوە دەرێ خاسش پەی مەکریۊوە، پەی نموونەی گەر بڕێ زارۊڵۍ ۋردۍ ئەڎاشا، یان تاتەشا مرۊن، ئیتر قۆم و کەس خەفەت مەگېرۊشارەو ئەجۊشا بۍ نازۍ مەگناو ئاورایی مران، بەڵام چیلاوە بارێ خاس مەی وەرۆ پەیشان کە قومیاکەشا ویر مەشۊوە.[1]