چەمم فڕتیۊ
چەم فڕتیای بەرکۆتێوە فیزیایی دلۍ چەمو مروڤیەن، پېڵۍ چەما دۆرێ بە قیمەت مەوینان پەی بنیاڎەمی، پەی نموونەی پارېزنای چەما، تەڕکەردەی دلۍ چەما، ۋستەرەی چەما وەختو ۋتەینە. بڕێ جارۍ بە هۊکارو دەمارێ باریکی دلۍ ئا پېڵا، فڕتیا، یانی دەمارو دلېشا مڎۊ وەنەو مەبۊن بە جووڵێوە پەی پېڵۍ چەمەکا، ئی دیاردە چن جارە مەبۊوە، بەڵام چوونکوم خەڵک زانستشان نەبېیەن مەرەجیانشان وەڵئامێوە غەیبی ئینا ڕاوەو توشو قومیېوەشا کەرۊن، پەی وەرگېرتەی چانەیچە، چڵە پووشێ فرە گولانجوڵەشا ۋستەن پەشتەو پېڵۍ چەماشا پەی مدرای جووڵەکەی.
هەر پەوکەی گەر ئا بەرکۆتە ڕوەشدێ واچېنۍ خوڎا بە خێرش گېڵنۊ، چەمېم فڕتیا.[1]