#مەسرور بارزانی# سەرۆکی حکومەتی هەرێمی کوردستان ڕێکاری نوێ لەبەرانبەر تیمی یەکێتی نیشتمانی لە کابینەی نۆیەم دەگرێتە بەر و بۆ جێبەجێکردنی ڕێکارەکانیش تەنیا یەک مانگی داناوە.
لە کۆبوونەوەی ڕۆژی چوارشەممە #06-04-2023#ی ئەنجوومەنەکە، باسی بابەتی ناڕەزایەتییەکانی تیمی یەکێتی و بەشدارینەکردنیان لە کۆبوونەوەکان کراوە.
لە کۆبوونەوەکان مەسرور بارزانی جارێکی تر جەختیکردووەتەوە، کە دەبێت تیمی وەزاری یەکێتی پابەندبن بە دەوامی خۆیان چ لە وەزارەتەکان، چ لە ئەنجوومەنی وەزیران، بۆیە ئەگەر لە ماوەی ئەم مانگەدا پابەند نەبن، ئەوە ڕێکاری نوێیان لەبەرانبەر دەگرێتەبەر، بەبێ ئەوەی وردەکاری ڕێکارەکە بخاتەڕوو.
پارتی بڕیاریداوە جارێکی تر دەستپێشخەری بکات بۆ گەڕانەوەی تیمی یەکێتی کۆبوونەوەکانی ئەنجوومەنی وەزیران. [1]