ناونیشانی بابەت: لەم ساڵدا (2023) بەڵگەنامە و دەستنووسە کۆنەکان دەگەڕێندرێنەوە بەنداوی دەربەندیخان
ئامادەکردنی: هەڵمەت بتوێنی
دوای دەیان ساڵ لە بردنی بەڵگەنامە و دەستنووسە کۆنەکانی #بەنداوی دەربەندیخان#، لەلایەن بەغداوە دەگەڕێندرێنەوە بۆ کارگێڕی بەنداوەکە، کە دەتوانرێ لە بەرەوپێشچوونی کارەکانی بەنداوەکە پشتیان پێ ببەسترێت.
سامان ئیسماعیل، بەڕێوەبەری بەنداوی دەربەندیخان بە (باسکورد) ی ڕاگەیاند: ئەو بەڵگەنامە و دەستنووسە کۆنانە بریتین لە نەخشە و داتا و ڕاپۆرتی شارەزایانی ناوەخۆ و بیانی، کە سەردانی بەنداوەکەیان کردووە. وتیشی: لە سەدەی ڕابردوودا ڕژێمی بەعسی لەناوچوو، بە هۆکاری شەڕکردنی لەگەڵ ئێران و بەهۆی ترسی لە لەناوچوون و بردنیان، بەڵگەنامە و دەستنووسە کۆنەکانی دەربەندیخانی گواستوونەتەوە بۆ بەنداوێکی دیکەی ئێراق.
#سامان ئیسماعیل# ئاماژەی بۆ ئەوەش کرد: هەرچەندە دوای تەواوبوونی شەڕەکە، ئێراق ئەوکات هەندێک بەڵگەنامەی هێناونەتەوە بۆ بەنداوی دەربەندیخان، بەڵام زۆریان نەگەڕێنرابوونەوە، بۆیە دوای هەوڵێکی زۆر، توانیمان بیانگەڕێنینەوە بۆ بەنداوەکە. باسی لەوەش کرد: ”بەڵگەنامەکان هی مێژووی حەفتا ساڵەی درووستکردنی بەنداوەکەن، کە دەتوانین لە بەرەوپێچوونی کارەکانمان پشتیان پێ ببەستین.
بەنداوی دەربەندیخان لە ساڵی 1956، لە سەردەمی ڕژێمی پاشایەتیی ئێراقەوە، لەلایەن کۆمپانیایەکی بیانی درووست کراوە و چوارەم بەنداوی گەورەی ئێراقە و سێ ملیار مەتر سێجا ئاو دەگرێ.[1]
کوردیپێدیا جە دلېنەو ئی بابەتۍ ۋەرپەرس نېیەن، خاۋەنو/خاۋەنۊ بابەتەکۍ ۋەرپەرسیارەن. کوردیپێدیا بە مەبەسو ئەرشیڤکەرڎەی ئی بابەتېشە تۊمارە کەرڎېنە.
ئی بابەتۍ بە زۋانی (کوردیی ناوەڕاست) نۋیسیێنە، پەی ئەۋەکەرڎەی بابەتەکۍ بە زۋانېۋ کە نۋیسێنە، سەرو ئایکۆنو
ی کلیک کەرە!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
ئی بابەتۍ 570 جارۍ ۋینیێنە
پەیلۋاو وېت چە بارەو ئی بابەتۍ بنۋیسە!