د. نەسرەدین ئیبراهیم گۆلى*
پشتی بانگهێشتکرنا وەلاتێن ئێکگرتیێن ئەمریکا یاکۆ ئاراستەی سەرۆکێ هەرێما کوردستانێ هاتیەکرن و ئه و ژی بۆ مەبەستا ڕوینشتن دگەل کاربدەستێن ڤی وەلاتی، خالەکا وەرچەرخان د سایکۆلۆژیایا سەرکرداتیا ئەمریکی دا دهێتە هەستپێکرن کو ئه و ژی گەهشتن ب وێ باوەرێ یە کە ئه و وەلاتێ بناڤ عێراق یاکو ل چارێکا ئێکەما سەدێ بیستێ و برەزامەندییا بەریتانیا و چەند وەلاتێن دیترێن ئەورۆپی هاتیە دەیناندن، یا لسەر بنیاتەکێ خەلەت و خاڤ هاتیە ئاڤاکرن، و بەلگە ژی بۆ ڤێ چەندێ ئەزموونا ڤی وەلاتییە هەر ژ دەستپێکا دەیناندنا وێ و هەتا نۆکە ژی هیچ جۆرە ڤەحەویانەک ڤێ نەکەفتیە و بەردەوام یا د ئاگرێ ململانێ و جەنگ و چەندەها جۆرێن کێشەیێن دەرەکی و نافخۆیی دا سۆتی.
ئەڤرۆکە و پشتی نێزیکی هەشتێ سالان ژ هنگی وەرە وەلاتێن وەکی ئەمریکا هزرێ د هندێ دا دکەت کە یا فەرە ئەڤ وەلاتە سەر ژ نوی بهێتە ئاڤاکرن و دبیتن ئێک ژ گرنگترین قۆناغێن ڤێ پرۆژەی ئاڤاکرنا دەولەتا کوردی بیت کە گەهشتن ب وێ قۆناغێ چەندین ئاستەنگێن مەزن دکەڤنە د ڕێکا وێ دا یا ژ هەمیا مەزنتر هەبوونا کۆمەکا بۆهایێن شۆڤینی و خۆپەرێستانەیە کو یێن ل نک دوژمنێن کوردستانیان هەین.
بۆهایێن شۆڤینیێن وەکی حەزا زاڵبوون ب سەر کورد و کوردستانیان، نەڤیانا ژبەر ئێکچۆنا ( وەتەن عەرەبی) یان عێراقا عەرەبی، هەستا خوە ب مەزنتر زانین ژ کورد و کوردستانیان ل نک حکۆمەتا ناڤندی، هزرا د خزمەتا عەرەب و عەرەباتیێ دا بوونا کوردان و نەتەوێن کوردستانێ، هزرا بمنەت زانینا ئیسلامکرنا کوردستانیان و بێی هندێ کە بیرا وان بیتن ئەڤ ئاینێ پیرۆز بێی جیاوازی یا بۆ هەمی مرۆڤایەتیێ هاتیە خوارێ و نەک تنێ یا عەرەبانە، بۆهایێن دیکتاتۆرخوازیێ، بۆهایێ دەیناندنا بەرژەوەندیێن خۆ بەری یێن خەلکێن دیتر و بەلکو ژی گۆهنەدان ب وان، ڤیانا خۆسەپاندن ل سەر کوردستانیان، کو هندەک جاران و ل گەلەک قۆناغان و نەخاسمە ل سەردەمێ دەستهەلاتا دیکتاتۆریەتا بەعس و سەدامێ گۆڕ ب گۆڕ خۆ د نکۆلی لێکرن ژ بوونا کوردان و بەلکۆ ژی ب عەرەب زانینا وان و حاشا لێکرن ژ ڕەسەناتی و سەربخۆبوونا وان یا نەتەوەیی و. .. هتد، کۆمەکن ژ وان بۆهایێن شۆڤینینە کۆ بکووری جهێ خۆ د ڕه و ڕیشالێن ستراکتوورێ کەساتیا تاکێ دەستهەلاتدارێن حکومەتا ناڤندی دا ڤەکرین و مێنتالیتەیەکا شۆڤینی و دیکتاتۆریانە ژێ دروستکری کو هەمی دەمەکی دژی بۆهایێن ڕەسەن و پیرۆز و جوان و مرۆڤدۆستانە و ئازادیخوازی و تێهنیێ دانپێدانا جڤاکییا خەلک و نەتەوەیێن دیتر بۆ کورد و کوردستانیان و گەلەک بۆهایێن دیترێن گەلێ مە ڕوەستیای و نەهێلای دارێ ڤان بۆهایا سەرێ خۆ هەلبدەت و بێهنا خوە ب خۆشی و ئازادی هەلکێشیتن. نەتەوایەتیا هشک و دۆگماتی دەها کارەسات و تاوانێن مەزنن ل دژی کورد و کوردستانیان کو دۆماهیک تاوانا هەرە مەزن ژی نەمەردییا ڕێکخراوا تیرۆریستانەیا داعشێ بوو کە دبنەڕەتدا ڕەنگڤەدانا سیاسەت و پرۆژەیێن شۆڤینیێن دەڤەرێ بوویە، کو دژی کوردستانیان هاتە پیادەکرن و هزاران قۆربانی و شەهید ل دووڤ خوە هێلان. ئەڤ مێنتالیتەیا شۆڤینی و دژایەتیکرنا بۆهایێن مرۆڤدۆستانەیێن کوردەواری بوونە بنیاتێ ژبەرئێکچۆنا دیوارێن حکومەتا ناڤندی و ڕزین و خراب بوونا وێ و هزرکرن د سەرژنوی ئاڤاکرنا وێ ل سەر هندەک بۆهایێن سەردەمیانە کە بگۆنجن دگەل جیهانا هەڤچەرخ و دیمۆکراتیک.
*بسپۆرێ پێداگۆگیا و سایکۆلۆژیێ / بەشێ دەروونزانی / زانینگەها زاخوَ.[1]
کوردیپێدیا جە دلېنەو ئی بابەتۍ ۋەرپەرس نېیەن، خاۋەنو/خاۋەنۊ بابەتەکۍ ۋەرپەرسیارەن. کوردیپێدیا بە مەبەسو ئەرشیڤکەرڎەی ئی بابەتېشە تۊمارە کەرڎېنە.
ئی بابەتۍ بە زۋانی (کرمانجی) نۋیسیێنە، پەی ئەۋەکەرڎەی بابەتەکۍ بە زۋانېۋ کە نۋیسێنە، سەرو ئایکۆنو
ی کلیک کەرە!
ئەڤ بابەت ب زمانا (کرمانجی) هاتیە نڤیساندن، کلیک ل ئایکۆنا
بکە ژ بو ڤەکرنا ڤی بابەتی ب ڤی زمانا کو پی هاتیە نڤیساندن!
ئی بابەتۍ 742 جارۍ ۋینیێنە
پەیلۋاو وېت چە بارەو ئی بابەتۍ بنۋیسە!