نویستەو: قەیۆم دانشوەر
باخوو دڵی دوەم دیوانە شیٛعرو شاعری ناسک خەیاڵو هەورامانی کاکە قەیوم دانشوەرین چاپ و وەڵا بیەنەوە،ئیسا کتیب ورەشیەکانە دەس مگنۆ جە پاوە مەریوان..
(کتێبوو باخوودڵی)،
باخوو دڵەکەیم ڕۆو خەزانیشەن
وەختوو خەزانوو داروەزانیشەن
خەزان هجووم ئاردٚ پەی هەنار و وەز
سوەیل دان دیدٚەی نەونەمامی ڕەز
ڕەز دیدٚە ڕەشتەن بە سورمەی سوەیل
مەجنوون چەمەڕای ئامای کۆچی لەیل
یانێ های ئێڵاخ نیەن جای مەننەن
ئاڵشتە وارا تەمە داش بەننەن
(قەیۆم دانشوەر نەروی)
ئی کتێبە نریانورێو جە 105 لاپەلا، 78 هۆنیا، 422 بەیتێ شێعرا ، بەهیمەتەی بەرزەو کاکە(فەتحوڵڵاڕەزایی داریانی) وکاکە(عەبدوڵڵاحەبیبی نۆدشەیی) ویرایش و پەل وناری کریان و بە هۆنەرمندٚی کاکە(عەدنان مورادی پاوەیی)بەرگش پەی وەش کریان و زمسانوو ساڵەو 1397ی کۆچی ڕۆجیاری.جە نەشروو(ئارۆ)پاوەی بەڕاوەبەری عەدنان مورادی، دریان چاپ، ئینە دوۆمین کتێب شێعرمەن، چێگەنە موازۆ ئیشارەت کەروو بە ئەوەڵ کتێبیم بە نامێو ڕازۆدڵی، نریانورێو جە86 لاپەلا، 38 هۆنیا، 830 بەیتێ شێعرا، هامنوو 1393ی ڕۆجیاری بە زەحمەتوو کاکە عەبدوڵڵا حەبیبی و کاکە فەتحوڵڵا ڕەزایی ویرایش وپەل وناری کریان و جە نەشروو(ئەوین)وو (مەریوان)ی بەڕاوەبەری کاکە بەرزان حۆسەینی چاپ بی و پێشکەش کریا بە یانەوکتێبوو هەورامانی،
قەیۆم دانشوەر نەروی 1397/12/4کۆچی ڕۆجیاری