QSD’ê hêviya gelên Bakur û Rojhilatê Sûriyê ye
Ayşa Silêman/ Qamişlo

Di 10`ê Cotmeha sala 2015’an de Hêzên Sûriya Demokratêk hate damezrandin. Bi dirêjiya 9 salan #QSD# ’ê gelek serkeftin û guhertinên mezin di qada leşkerî û siyasî de pêkanîn. QSD’ê hîn li ser soza xwe ye û ew ji bona gelê Bakur û Rojhilatê Sûriyê hêviya siberojê ye.
Hêzên Sûriya Demokratîk di 10’ê Cotmeha sala 2015’an de li Bakur û Rojhilatê Sûriyê hate avakirin û ragihandin. Hêzên ku cihê xwe di nav QSD’ê de digrin bi daxuyaniyekê ji ragihandinê re xwe dan nasîn û gotin: “Em hêzeke leşkerî, niştimanî û yekgirtî ya hemû gelê Sûriye ne ku Ereb, Kurd, Suryan û hemû pêkhateyên din jî cihê xwe di nav de digrin.”
Hêzên Sûriya Demokratîk kontrola xwe li ser herêmên berfireh ên Sûriyeyê bi dirêjahiya 35 hezar kîlometre ji qada Sûriyeyê ya giştî ku 185,000 kîlometre çargoşe berfireh dibe û hejmara hêzên QSD’ê zêdeyî 45 hezar şervanî ye.
Hêzên leşkerî yên ku cihê xwe di nava QSD’ê de digrin
Hêzên leşkerî yên ku cihê xwe di nava QSD’ê de digrin jî ev in.“Hevbendiya Erebî ya Sûriyê, Artêşa Şoreşgeran, Odeya Çalakiyan a Volkana Firatê, Hêzên El-Senedîd, Meclîsa Leşkerî ya Suryaniyan, Yekîneyên Parastina Gel(YPG) û Yekîneyên Parastina Jinê(YPJ). Yekîneyên Parastina Gel û Yekîneyên Parastina Jin şerên dijwar li dijî çeteyên DAIŞ’ê, dane meşandin û baweriya gel qezenckirin û ew mîna hêzên sereke yên ku cihê xwe di nava QSD’ê de digrin. Destpêka şikandina çeteyên DAIŞ’ê û şerê herî giran jî bi pêngava rizgarkirina bajarê Kobanê destpêkir.
Navê Meclisên ku hatine avakirin.
1 – Meclîsa Leşkerî ya Minbicê.
2- meclisê Girê Spî yê leşkerî.
3 – Meclîsa Leşkerî ya Serêkaniyê
4 – Meclîsa Leşkerî ya Reqayê.
5 – Meclîsa Leşkerî ya Dêrezorê.
6 – Encumena Tepqa ya Leşkerî.
7- Meclisa Leşkerî ya Cerabulus.
8- Meclîsa Hêzên El-Senadîd
9- Meclisa leşkerî ya Qamişlo.
Fermandariya Giştî ya Hêzên Sûriya Demokratîk
Ji 15 endaman pêk tê ku di nav wan de fermandarê giştî û 2 alîkarên wî hene, endamên Fermandariya Giştî ji nav endamên Meclîsa Leşkerî tên hilbijartin û nûnertiya jinan misoger dike.
Hemleyên Hêzên Sûriya Demokratîk
Di nav hemleyên herî girîng ên ku Hêzên Sûriyeya Demokratîk ji destpêka damezrandina xwe heta îro dane destpêkirin ev in:
1- Hemleya rizgarkirina Holê, yekemîn hemleya leşkerî bû ku Hêzên Sûriya Demokratîk dest pê kiribû.
2- Hemleya Xezeba Firatê ya rizgarkirina bajarê Reqa û gundewarê wê
3-Hemleya Xezeba Xabûrê, Hêzên Sûriya Demokratîk di Sibata 2016`an de hemleyeke nû di bin navê “Xezeba Xabûrê” de ji bo rizgarkirina bajarokê “El-Şedadê” û başûrê wê da destpêkirin. Gundê bajarê Hesekê, armanca sereke ya hemleya rizgarkirina bajarê stratejîk “El-Şeddadê bû”.
4- Hemleya rizgarkirina Minbicê û gundewarên wê, Operasyona “Destgirkirina Firatê”çend mehan hat rawestandin, Hêzên Sûriya Demokratîk amadekariya operasyoneke mezin ji bo rizgarkirina bajarê Reqê ji çeteyên DAIŞ’ê dikir. Ji ber wê yekê di 2’ê Hezîrana 2015`an de dest bi operasyona rizgarkirina bajarê Minbicê hate kirin. 25ê Kanûna Pêşîn a sala 2015`an pêngava rizgarkirina bajarê Minbicê li ser erdê hate destpêkirin. Yekem bajarokê ku di hemleya rizgarkirina Minbicê û gundewarên wê de hat rizgarkirin, bajarokê “Ebû Felfel” bi qasî 50 km li başûrê rojhilat bû. Di 15’ê Tebaxa 2016’an de rizgarkirina tevahî bajarê Minbicê hate ragihandin.
Hêzên Sûriya Demoqratîk îsbat kir ku ew hêza herî bi displîn û bi bandor e, li ser asta Bakur û Rojhilatê Sûriyê bi taybet û li ser asta Sûrî jî bi giştî ev yek hate isbat kirin. QSD’ê ezmûnên leşkerî yên mezin derbas kirin, ku tê de karîbû serkeftinên ku hatine piştrastkirin bi dest bixin û bandoreke erênî li ser Sûriyê çêbike. Ji ber ku QSD’ê di hemû şer, pêngav û ezmûnên ku têre derbasbûyî û li hemberî hemû hêzên ku dixwestin serweriya Bakur û Rojhilatê Sûriyê têxin destê xwe bi ser ket û paweriya gel û navnetewî qezenckir. Di serî de hêzên hevpeymanî û gelek hêzên heremî jî xwestin ku QSD’ê bi wan re bikeve nava hevpeymanên leşkerî
Hêzên Sûriya Demukratîk (QSD’ê) xwediyê ezmûnên leşkerî yê mezine û mîna hêza herî bi dispilîn û çalak li ser qada Sûriyê giştî xwe isbat kirî ye. QSD’ê û bi riya pêngavên ku tevîbûna xwe jêre çêkirine û serkeftinên ku bi destê xwe ve anîne bandoreke erênî li seranserî Sûriyê û cîhanê tevahî daye çêkirin. Ji ber vê yekê gelek hêzên heremî û navnetewî xwestin ku bi QSD’ê re bikevin nava hevpeymanên leşkerî û sûdê ji ezmûnên QSD’ê bigrin.
Rêwîtiya QSD’ê bi dawî nebûye û hîn berdewame û roj bi roj QSD’ê mîna guloka berfê mezin dibe û bi hêztir dibe. Herçiqasî zehmetî, asteng û planên mezin jî li pêşiya QSD’ê hebin, lê ew bi biryare ku gel û axa xwe biparêze û li hemberî hemû hêzên ku dixwazin axa Sûriyê dagirbikin li berxwebide û bi serbikeve. Ji destpêka şoreşê û heyanî îro li hemberî dagirkeriya tirk û çeteyên DAIŞ’ê û ji bona parastina gel û xaka welat zêdetirî 12 hezar şehîd û 20 hezar birîndar hatine dayîn.
Hêzên Sûriya Demukratîk(QSD’ê) ji bona siberoja Sûriyê tevahî tamînata demukrasî, wekhevî û azadiyê ye. Ji ber ku ew di nava xwe de hemû pêkhateyên Sûriyê dihewîne û bi felsefeya azadiyê û li ser bingehê netewa demukratîk tevdigere û bi hişmendiyeke nûjen û serwextê demê tevdigere. Herçiqasî dijminê li hemberî me xwedî teknîk û çekên pêşketîbe, hêzên QSD’ê jî xwedî vîn, bawerî û hunera pispûriya şer û ezmûna bi salan e. Herweha gelekî qehreman û xwedî bawerî, vîn û cesaret jî li pişt QSD’ê heye. Hêzên Sûriya Demukratîk bi desteka gelê xwe yê berxwedêr wê li hemberî dagirkeriyê li ber xwebide û wê hertim serkeftinê bi destê xwe ve bîne.[1]