ساڵح محەمەد موسلیم - ئەبوو وڵات
سەروکێ پارتا یەکێتیا دەموکراتیک
ژدایکبوویێ ساڵا 1951، ساڵح محەمەد سەروکێ بەرێ یێ پەیەدە بوو، کو کاریگەریترین پارتە ل ڕوژئاڤایێ کوردستانێ.
ساڵح مەحمەد ل زانکۆیا تەکنیکی ل #ئێستانبۆڵ# خوەندییە خوەدی پێنج زارۆکانە.
ساڵح موسلیم، کوڕە هەژارەکێ گوندێ شێرانە سەر ب #کۆبانێ#، ل کۆبانێ خوەندنا سەرەتایی تمام کرییە و پشترە لبەر چەند هۆکارەکان، ل باژێڕێ دیمەشق و ل ئامادەییا ئەلکەواکبی ل حەلەب خوەندنا دواناوەندی ساڵا 1969 ل بەشا زانستی تمام کرییە.
ل ئەیلوولا ساڵا 2010 ل کۆنگرەیا چارەما پەیەدە ب سەروکێ حزبێ هاتە هەلبژاردن.
ژبو خوەندنا زانکۆ دچیتە ئەستەنبۆل ل زانکۆیا تەکنیکی/ کۆلیژا ئەندازیاری و کیمیا دخوینیت و ساڵا 1977 تمام دکەت و پشترە بەرەڤ لەندەن بڕێ دکەڤیت ژبو فێربوونا زمانێ ئنگلێزی. پشتی ڤەگەڕیانێ دچیتە وڵاتێ سعوودیە و دبیتە کارمەند ل دەزگەهێ پترۆمین سەر ب وەزارەتا نەفتا سعودیە، هەر ل وێرێ و ب ڕییا چەند کوردەکان دبیتە ئەندام ل پارتیا کرێکارێن کوردستانێ.
ساڵا 1990 ڤەدگەڕێتە کۆبانی و کارێ ئاسایێ خوە دکەت وەکە ئەندازیارەکێ کیمیایی و ل ل کارێ حزبی و سیاسی بەردەوام دبیت. بوویە ئەندام ل مەکتەبا سیاسی یا پارتیا جڤاکا نشتیمانی یا دەموکرات (التجمع الوطني الدیموقراطي) کو ساڵا 1998 دامەزریایە. پشترە ژبو خەباتا هاوچەرخ یا کوردایەتیێ ل ڕوژئاڤا پارتی پەیەدە (پارتی یەکێتی دیموکراتی) ساڵا 2003 دامەزریا و ساڵح تێدا بوویە ئەندامێ لیژنەیا جیبەجی کرن. زور جاران ژئالێ دەزگەهێ موخابەراتا سووریا هاتیە دەستەسەر کرن. ل ئەیلوولا ساڵا 2010 ل کۆنگرەیا چارەما پەیەدە بوویە سەروکی حزب. ل شەڕێ ئازادکرنا ڕوژئاڤا، شەڕڤانێ کوڕێ ساڵح موسلیم ساڵا 2013 شەهید بوو.
ڕوژا #25-02-2018# ل پراگ لسەر داخوازا تورک ل وڵاتێ چیک هاتە دەستەسەر کرن. ڕوژا 27-02-2018 پشتی ئامادەبوونێ ل بەردەم دادگەها چیکی، هات ئازاد کرن.
ساڵح موسلیم ژبەر خرابییا دوخێ تەندرووستی ل نەخوەشخانەیەکە تایبەت ل #هەڤلێر#ێ و ل بن چاڤدێری بوویە. دەمژمێر 9ێ هێڤارییا #11-03-2026# وەغەرا داویێ کر. [1]