ناڤ: زیاد
ناڤی بابی: زەعیم
ناڤێ دایک: زەینەب
ناسناڤ: زیاد حەلەب، زیاد قەدور
ساڵا ژدایکبوونێ: 1988
جهێ ژدایکبوونێ: #عەفرین#
جهێ شەهیدبوونێ: #حەلەب#
ڕێکەفتا شەهیدبوونێ: #10-01-2026#
$ژیاننامە$
فەرماندار زیاد حەلەب، ئەندامێ فەرماندارییا گشتی یا هێزێن ئاساییشا ناڤخوە بوو، ب ڕوحەکە فیداکاری، خەبات کر و ل بەرخوەدانەکە دیرۆکی ل ئەنجاما ئێرشا گرووپێن چەکدار ئێن سەر ب حکومەتا سووریا ژبو هەر دوو تەخێن #ئەشرەفیە# و #شێخ مەقسوود# ل باژێڕێ حەلەب ل #ڕوژئاڤایێ کوردستان#ێ شەهید کەت.
زیاد حەلەب کو فەرماندارێ گشتی یێ هێزێن ئاساییشا ناڤخوە بوو، ساڵا 1988 ل عەفرین ژدایکبوویە. ل ماڵباتەک نشتیمانپەروەر ئا شەش کەسی مەزن بوویە. هەر ب گەنجاتی ل ژینگەهەکە پڕ هەست ئا ناسیۆنالیستا کوردی دە مەزن بوویە و لەوما هەمیشە ل گەڕیان و هەوڵدانێ ژبو خزمەتا گەل و نیشتمان دا بوویە.
ل ساڵا 2011 دگەل سەرهڵدانا شەڕێ ناڤخوە ل سووریا، پەیوەندی ب ڕێزێن یەکینەیێن پاراستنا گەل (یەپەگە) کرییە ژبو بەشداریکرن ل بەرخوەدانا حەلەبێ ژبو بەرگری کرن ل زێدی خوە و گەلێ خوە.
ل ماوێ دناڤبەرا ساڵێن 2011 ژبو 2015 هەردوو ڕژێمێن بەعس (سووریا) و گرووپێن ب کرێ گرتی ئێن جودا ئێرشی سەر حەلەبێ دکرن. ل هەمبەری ڤان ئێرشانەدە خەلکێ حەلەبێ شەڕەک شۆڕشگێڕانە دگەل وانا دکر.
زیاد ڕوڵەکە کارا ل ڤان بەرخۆدانێن جەماوەری و شۆڕشگێڕانەدا هەبوو و چالاکی و ئۆپەراسیۆنێن ب هێز ئەنجام ددان و ئەزموونا سەربازیی یا مەزن بدەست خوەڤە ئانی بوو. ل ڤێ قویناغێ دە شەڕێ شەقام ب شەقام ل حەلەب ڕوو دا، ل تەڤا ئەڤان بەرخۆدانانەدا، ب چالاکیێن سەربازی، هەڤاڵ زیاد کاری هەمی ئێرشان پووچەڵ بکەت و خەباتەکە فیداکاری ژبو گەلێ خوە ئەنجام بدەت.
فەرماندار زیاد حەلەب پێشەنگ بوو ل ژیانا گشتیدا و ب هەستێ نەتەوی ئێ بڵندێ خوە خۆشەویستییەک مەزن ل هەمی ئەو بوارێن کو کار تێدە دکر و تێدکۆشی، بدەست خوە ڤە ئانی بوو. ب تایبەتیی خەلکێ تاخێن ئەشرەفیە و شێخ مەقسوود شاهدێ ئەڤێ چەندێ بوون.
هەر ل وی دەمێ کوو مژویلی تەکۆشانا ئازادیێ بوو، بەردەوام کار لسەر بەرڤ پێشبرن و پەروەردەکرنا خوە دکر هەیا وی دەمێ کوو ئەزموون و شەهرەزایی ل ئاست سەرکردایەتیدا پەیدا کر. ب دیتنا سەربازی و ڕەوشنبیری و سیاسی، گەهشتە ئاستێ سەرکردایەتی.
هەڤاڵ زیاد هەمیشە هەست ب وێ ستەمێ دکر کو بسەر گەلێ مەدە دهاتە سەپاندن. ل هەر جهەکێ پێویست بوو، ب ڕوحەکە فیداکاری ڤە بەشداری دکر.
پێش شەهید کەتنێ، سەرکردە زیاد حەلەب قسەکە دیرۆکی کر و گۆت:
=KTML_Center==KTML_Red=ئەم ئێن ئەڤێ خاکێینە، لێرە ژدایک بووین، لێرە مەزن بووین، لێرەش دمرین، مە ئاریشە ژبو کەس درووست نەکرییە، ساڵانەکە دگەل خەلکێ دەڤەرێ ب ئارامی ل ڤان تاخاندا دژین، جانێ مە قوربانییە ژبو گەل.=KTML_End==KTML_Div_End= [1] [2]