ناڤ : جەلال
ناڤ ی باوک: سەعید
نازناڤ : جەلال جۆبار
جەلال جۆبار- شاعیر
نووسینی: #خالید عومەر عوسمان#
$ژیاننامە$
ناڤێ وی (جەلال سەعید عەبدوڵڵا حاجی محەمەد خدر بەگ)ە، ل تیرەیا #خۆشناو#ە و باپیرە مەزنێ وی خدر بەگ خەڵکێ گوندێ (#ئاوڕێ#) بوویە ژبەر بەڵاڤ بوونا نەخوەشییا (تاعون)ێ سپێدەکێ کو ل خەو هەستا دیت تەڤا خزم و کەسوکارێن وی ئێن مرین ب تەنێ خدر بەگ و خوەشکەکە وی ڕزگار بووینە، ئەوان ژی گوندەکە چول کر و بەرێ خوە کرە #کۆیە#، خدربەگ ژبەر پەیوەندییەکە کەڤنار دگەل مالا مەحموود ئاغای غەفوری چوویە وێرێ و مەحمود ئاغا زور ئالیکارییا وی کرییە و ل کۆیە ئاکنجی بوویە و ژن ژی هینایە .=KTML_Quote_Begin==KTML_Style=width:30%;float:right;=KTML_Quote_Icon=❞=KTML_Quote_Content=با بچینە کوێستان بۆ گەشتی ئەم ناڤ ە
جوانی جیهانی خوا بەم شوێنە داوە
ل چلەی هاوینا نەو بەهار ببینە
قەندیل مەندیلی هەر فڕێ نەداوە
تا چاو لێی دیارە چیمەن و گوڵزارە
پڕ جۆگە و کانی و ڕووباری بەفراوە
ئەم ناڤ چە جوانە شوێنی کۆچەریانە
هۆبە بە هۆبە ڕەشماڵیان هەڵداوە
بلوێری شوانی ل بەرزی تەلانی
کیژ لەسەر کانی دێنێتە سەماوە=KTML_Quote_End=
جەلال جۆبار ساڵا 1929 ل کۆیە ژدایک بوویە، بابێ وی مەلا بوویە، ل ژیێ چار مەهیدا بابێ وی وەغەرا داویێ کرییە و ئەو بخوە و سێ خوەشکێن وی کو هەرسێک ل وی مەزنتر بووینە ماینە و دایکا وی سەرپەرشتییا وانا کرییە و هەیا تەمەنێ جەلال گەهشتیە 16 - 17ساڵ و پشترە وی ژی ئالیکارییا دایکا خوە کرییە، ناسناڤێ (جۆبار) ب واتایا کۆما جویێن ئاڤێ دێت، ئەگەرێ هەڵبژاردنا ئەڤی ناسناڤەی ئەو بوویە هەیا کەس نەزانیت هۆزان ئێن وینە. شاعێر ل توو قوتابخانەیەک و حوجرەیەکێ نەخوەندییە چونکی هەژار بوون، دەست ب خوەندنا پەرتووک و گۆڤار و ڕوژنامەیان کرییە، هەروەسا ب خوەندنا پەرتووکێن فارسی و عەرەبی شارەزاییەک ل زمانی عەرەبی و فارسی پەیدا کرییە، هەر ل زاروکی حەز ب خوەندنا شیعران دکر و شەعرێن شاعیرێن وەکە شێخ ڕەزا و ناڵی و عەونی و خوەندینە.
ل ژیێ 20 ساڵیدە ئێکەم شەعر نڤیسییە لێ ب ناڤێ خوە بەڵاڤ نەکرییە ل ترسا هندێ کوو ئەگەر سەرکەتی نەبیت، وێ شیعرێ ددەتە (حەمەد ئەمین عەباس)ێ سترانیبێژ. شەڤەکێ ل زەماوەندەکێ (حەمەد ئەمین عەباس)ێ سترانبیژ هۆنراوەیا وی ب ستران دبێژیت، جەلال جۆباریش ئەوێ شەڤێ ل وێ ئاهەنگە یێ ئامادەیە، پشتی تمام بوونا سترانێ چەند کەسەک لێ دپرسن کو ئەڤ هۆزانە یا کێیە؟ حەمەد ئەمین عەباسیش دبێژیت یا شاعێرەکێ سلێمانیێ یە . ساڵا 1950 هاتییە هەڵبژاردن بو ئەندامێ ئەنجوومەنا شارەدارییا کۆیە، ل ساڵا 1952 ژیانا هەهژینی لسەر بناغەیا ڤیانێ پێکئانییە دگەل کەچەکە خزم بناڤێ (فەهاوە) و 4 کەچ و 4 کوڕ ب ناڤێن (ئارام - سەرباز- خەرمان- مژدە- دیمەن- کۆچەر- ئاراز- ئامانج) هەبوینە، لێ سەرباز ل ژیانێدە نەمایە هەر ل زاروکیدە مرییە، چەندین نڤیسین و شەعر ل گۆڤار و ڕوژنامێن کوردی بەڵاڤ کرینە ژ وانا (ژینی سلێمانی- ڕۆژنامەی هەولێر- گۆڤاری هیوا- هەتاو- برایەتی- کاروان- ڕۆژنامەی هامون)، لسەرهەڵوێستا سیاسی توویشی گرتنێ بوویە ل بەندیخانەیێن (کۆیە- #هەڤلێر#- موسڵ- بەغدا)، دوو جاران دوکانا وی تاڵان بوویە و شەعرێن وی لبەر ڤێ ئەگەرێ بەزر بووینە، ئەندام و هەڤکارێ تیپی باواجی یا کۆیە بوویە، ل #2018-9-23# وەغەرا داویێ کرییە.
$سەڵاح کۆیی ئەڤ شەعرە کرییە ستران$
با بچینە کوێستان بۆ گەشتی ئەم ناڤ ە
جوانی جیهانی خوا بەم شوێنە داوە
ل چلەی هاوینا نەو بەهار ببینە
قەندیل مەندیلی هەر فڕێ نەداوە
تا چاو لێی دیارە چیمەن و گوڵزارە
پڕ جۆگە و کانی و ڕووباری بەفراوە
ئەم ناڤ چە جوانە شوێنی کۆچەریانە
هۆبە بە هۆبە ڕەشماڵیان هەڵداوە
بلوێری شوانی ل بەرزی تەلانی
کیژ لەسەر کانی دێنێتە سەماوە [1]