ناڤ: ئەحمەد
ناسناڤ: ئەحمەد ئیلنجاغی
ناڤێ بابی: عەودل
ساڵا ژدایک بوونێ: 1951
جهێ ژدایک بوونێ: #ئیلنجاغى گەورە#
ڕێکەفتا وەغەرا داویێ: #03-11-2014#
$ژیاننامە$
ئەحمەد ئیلنجاغى پێشمەرگێ پارتیزان، ئەو پێشمەرگەهێ ل دەستپێکا ساڵێن هەشتێ یا کەتە ڕیزێن پێشمەرگایەتىێ و چەک ل شان کرن هەیا دوماهیکا ژیانێ هەر پێشمەرگە بوو، ناڤى وى (ئەحمەد عەودل قادر جەمیل وسو ئەلیاس)ە، ل ساڵا 1951 ل ناحیا ئیلنجاغا مەزن ژدایک بوویە، ل قوتابخانەىا ئیلنجاغا مەزن سەرەتایى هەیا پولا پێنجا سەرەتایى خوەندییە، پشترە ل خوەندنێ دویر کەتییە و ب کارێ شوانکاری و کشتوکاڵێ ڤە مژویل دبیت، ل ساڵا 1968 دبیتە پێشمەرگێ شوڕەشا ئەیلول و هەیا نسکۆىا ساڵا 1975 بەردەوام دبیت.
ل ساڵا 1980ێ پەیوەندى ب ڕێکخستنێن #یەکێتى نیشتمانى کوردستان# دکەت و ساڵا 1982 دبیتە پێشمەرگە ل کەرتا (2)ىا شەهید ئەحمەد قەمبەرى ل تیپا 86ىا دەشتا #هەڤلێر#ێ، ل ساڵا 1984ێ پشتی گوتوبێژێن حکوومەتا ئیراقی و یەکێتى نیشتمانى کوردستان وەکە پێشمەرگەىەک قارەمان و فەرماندەیەک ب توانا دەرکەت و ل زوربەىا داستان و نەبەردیێن کەرت و تیپا خوە بەشداربوویە، ئێک ژ وێستگەهێن دیار ئێن خەباتا ئەحمەد ئیلنجاغى ل مەها تەمموزا 1988 دەست پێدەکەت کو ل تیپا 86 ىا دەشتا هەڤلێرێ ڕەتڵا پارتیزانێن هەڤلێرێ دبیتە فەرماندەىێ مەفرەزە و بو ماوێ 14 مەهان هەیا #16-09-1989# ل دەشتى هەڤلێر و خۆشناوەتى دمینیت و ل ساڵا 1991 دگەل مەفرەزەێن کو یەکێتى نیشتمانى کوردستان ئەمر پێکربوو بەرەڤ دەڤەرێن هەڤلێرێ ڤەگەڕیا و پشکدارىیا ڕاپەڕینا جەماوەرى یا کوردستانێ کر هەیا ئازاد کرنا باژێڕێ #کەرکووک#.
پشتى ڕاپەڕینێ ل چەند وێستگەهان ل باژێڕێ هەڤلێرێ درێژە ب خەباتێ دایە:
1-ل بەرەىا کوردستانى و لیژنەىا ئاساییش و پشترە ل سوپاىێ ئێکگرتووىا کوردستان و ل فەوجێن فریاکەوتن و لیوا و فەوجان درێژە ب خەباتێ دایە.
2-پشتى شەڕێ براکوژیێ ل ساڵا 1994-1995 ل لەشکرێ بەڕانەتى درێژە ب خەباتێ ددا.
3-پشتى 31ى ئابى 1996 ل شاڕى #ڕانیە#ى دەڤەرى ڕاپەڕین نیشتەجێ دەبێت و ل فەرماندەیى فەرماندەى دووى هەڤلێر بەردەوامى بە کاروانەکەى دەدات و ل زۆربەى شەڕەکانى پاراستنى دەستکەوتەکانى حکوومەتى هەرێمى کوردستان بەشداربووە.
4-پشتی کەتنا بەغدا ل ساڵا 2003 ب بڕیارا حکوومەتا هەرێما کوردستانێ ب پلەىا سەربازى یا (عەمید) خانەنشین دبیت.
5- ل ژیانا پێشمەرگایەتى دوو مەداڵیاىێن زێڕین وەرگرتینە: (مەداڵیاىا زێڕین ىا پارتیزانى ل ساڵا 1992 ژ ئالێ #مام جەلال#، مەداڵیاىا زێڕین ىا پێشمەرگێن دانەبڕاو یا شوڕەشا نو ل ساڵا 2007).
پشتی کوو بو ماوێ 2 ساڵ و 6 مەهان ل نوخوەشیێ، ل 03 -11 - 2014 پشتی پتر ل 40 ساڵان خەباتا بەردەوام، وەغەرا داویێ کر.[1]