ناڤ: قەرەنی
ناڤێ بابی: جەمیل
ساڵا لەدایکبوون: 1954
شوێنی ژدایکبوونێ: #هەڤلێر#
ڕێکەفتا وەغەرا داویی: #03-06-2025#
=KTML_Bold=ژیاننامە=KTML_End=
هونەرمەندێ شێوەکارێ کورد قەرەنی جەمیل حەسەن ساڵا 1954 ل هەڤلێر ژدایکبوویە، قوتابخانەیا سەرەتایی و ناڤەندی ل هەڤلێر تمام کرییە.
ل ساڵا 1976 -1977 پەیمانگەها هونەرێن جوان ل بەشا شێوەکاری ل #بەغدا#یێ تمام کرییە. پشتی تمام کرنا پەیمانگەهێ ل ساڵا 1977 -1978 دبیتە ماموستایێ قوتابخانەیا سەرەتایی ل گوندێ (ڕوستێ)، لێ پشتی چول کرنا ئەڤی گوندەی ژ ئالێ حکومەتا بەعس، ل ساڵا 1978 -1979 دهێتە ڤەگوهاستن قوتابخانەیا سەرەتایی یا گوندێ (ناڤڕۆیین) ل باژێڕوکێ #دیانا#.
قەرەنی جەمیل ساڵا 1979 کوردستانێ بجێ دهیلیت و دچیتە ئیتاڵیا، هەیا ساڵا 1984 ل ئیتاڵیا دمینیت و ل وێرێ ژی هەر درێژە ب کارێ هونەرا شێوەکاری دایە. ل ساڵا 1984 ل ئیتاڵیاوە بەرەڤ ئیسپانیا چوویە، هەیا ساڵا 2003 هەر ل وێرێ کارێ هونەری کرییە.
ئەڤ هونەرمەندێ مەزن، ل ساڵا 2003 ڤەگەڕیا کوردستانێ و بوویە سەرنڤیسەرێ گۆڤارا شێوەکاری، هەروەسا ل پەیمانگەها هونەرێن جوان یا هەڤلێرێ ل بەشا شێوەکاری دبیتە ماموستا.
قەرەنی جەمیل سەرب هیچ ڕێبازەکە دیار کری یا هونەری نییە و ب گوتنا وی، تابلۆیێن وی ل زەین و خەیاڵێن وی بخوەنە، ئەوا دگەهتە خەیاڵا وی ب فڕچە و ڕەنگ دکەتە تابلۆیەکە هونەری، گەلەک ل قوتابی و فێرخوازێن وی ئیرۆ بووینە هونەرمەندێن باش د بوارێ هونەرا وێنەکێشانێ، ئیلهامێ ل کارێن وی وەردگرن و دڤێت درێژە ب وان جورە کاران بدەن.
ل ڕوژا 03-06-2025 و د ژیێ 71 ساڵیدا، ب نەخوەشی وەغەرا داویێ کر.
=KTML_Bold=پێشانگەهێن تایبەت=KTML_End=
1976 ل بەغدا هۆڵا کۆمەڵەیا ڕەوشنبیری یا کوردی دگەل هونەرمەند جەمال ئیبراهیم.
1977 ل هەڤلێر هۆڵا قوتابخانەیا میدیا.
1984 ل بەرشەلۆنە/ ئیسپانیا هۆڵا Prat de lujanes
1987 ل گرانادە/ ئیسپانیا هۆڵا Caja rural
1989 ل گرانادە/ ئیسپانیا کافێ یا Volter
1990 ل ڤالێنسیا/ ئیسپانیا هۆڵا Alhanas
2007 ل هەڤلێر هۆڵا میدیا.
2008 ل #سلێمانی# گەلەری سەردەم.
2013 هۆڵا میدیا، هەڤلێر.
2018 هۆڵا میدیا، هەڤلێر.
2019 پێشانگەها ستیل لایڤ ل هۆڵا میدیا.
2021 گەلەری ئێستا ل سلێمانی.
=KTML_Bold=پێشانگا هەڤبەش=KTML_End=
ل ساڵا 1972ێ هەیا نها 2025ێ ل ئیراقێ ، ئیتاڵیا، ئیسپانیا، ئینگلتەرا، هۆڵەندا، بەلجیکا، دانیمارک، نەمسا، پۆڵۆنیا، پشکدارییا کۆمەک پێشانگەهێن هەڤبەش کرییە.[1]