ناڤ: سەربەست
ناسناڤ: سەربەست بامەڕنی
ناوی باوک: عومەر
ساڵا ژدایکبوونێ: 1946
ڕوژا وەغەرا داویی: #24-07-2024#
جهێ ژدایکبوونێ: بامەڕنێ - #ئامێدی#
جهێ وەغەرا داویی: ئەڵمانیا
$ژیاننامە$
ساڵا 1946 ل ناحیا بامەڕنێ یا باژێڕوکێ ئامێدی ل دەڤەرا بادینان ل پارێزگەها #دهۆک#ێ ژدایکبوویە.
باوەڕنامەیا بەکالۆریۆسێ ل زمان و ئەدەبا کوردی ل زانینگەها بەغدا بدەست خوەڤە ئیناندیە و هەروەسا باوەڕنامەیا بەکالۆریۆس ل زانینگەها موستەنسەریە وەرگرتییە.
پشکداری ل شوڕەشا کوردستانێ دە کرییە و ل ئۆرگانێن ڕێکخستن و بوارێ ڕەوشنبیری و ڕۆژنامەگەریێ کارێ خوە کرییە.
ل ساڵا 1964 ئەندامێ مەکتەبا سکرتاریەتا #یەکێتی قوتابییانی کوردستان# بووێە.
ل ناڤەڕاستا ساڵا 1960 ێدە ل ڕادیۆیا کوردی یا بەغدا کار کرییە و ڕوڵەکێ بەرچاڤ هەبوویە ل ڕێڤەبرن و پێشکەتنا کارێ ڕادیۆ و پرۆگرامێن وێ دە.
هەروەسا لە بزاڤا خوەندکار و لاواندە چاڵاکڤان و نڤیسەرەکێ چەلەنگ بوویە.
وەکە نڤیسەر و ڕوژنامەوان و شرۆڤەکار، بابەت ل ڕوژنامەێن کوردی و عەرەبی یێن ناڤخۆ و دەرڤە بەڵاڤ کرینە.
ل ساڵێن 1970 سەرنڤیسەرێ ڕوژنامەیا #هاوکاری# بوویە ل بەغدا.
ل ساڵا 1974 دناڤا شوڕەش و ڕێکخستنێن #پارتی دیموکراتی کوردستان#دا گەلەک بەرپرسیایتی یێن ڕوژنامەگەری ژێڕە هاتینە سپاردن.
پشتڕە ل ساڵا 1976 دناڤا ئۆرگانێن سازیێن کۆمەڵەیا ڕەنجدەران و یەکێتی نیشتمانی دە ل چاڵاکیێن نهێنیی دە کار کرییە.
پشتی ساڵا 1991 ل ڕوژنامەیا (الاتحاد) ل دەستەیا سەرپەرشتیاری و ل ساڵا 2003 ل گوڤارا (گوڵان)دا نڤیسەر بوویە و جهێ دەستێ وی ل جارەک دن دامەزراندنا (نقابة الصحفیین العراقیین) و سەندیکایا ڕۆژنامەنڤیسێن کوردستانێ و کارکرن ژبو ب ئەندامبوونا ڕوژنامەنڤیسێن کوردستانێ ل فیدراسیۆنا ناڤنەتەوی یا ڕوژنامەنڤیسێن I.F.J ل بروکسل کرییە و جهێ دەستێ وی یێ دیارە.
ڕەوشنبیرو ڕۆژنامەڤان و مافپەروەر و سیاسییەکی ژێهاتی و ب ئەزموون بوو. ژبلی زمانێ دایک زمانی دایک، زمانێن (عەڕەبی، ئنگلیزی و ئەڵمانی) زانییە.
ل ڕوژا 24-07-2024 ل باژێڕێ (فرایبۆرگ) ل وڵاتێ ئەڵمانیا وەغەرا داویێ کرییە.
[1]