هەوڵێکی تری ناوخۆیی، بۆ چارەسەری کێشە ناوخۆییەکانی #بزووتنەوەی گۆڕان# و ئاشتەوایی، هەڵبژاردنی ئەندامانی خانەی ڕاپەراندنی بزووتنەوەکەی دواخستووە.
ئەو کۆبوونەوەی جڤاتی نیشتمانی بڕیاربوو ڕۆژی #08-12-2023# ئەنجامبدرێت دواخراوە بۆ کاتێکی تر، کە هۆکاری دواخستنەکە پەیوەندی بە هەوڵێکی ناوخۆیی بۆ چارەسەری کێشەکانی گۆڕانەوە هەیە.
هەر بە گوێرەی زانیارییەکان، هەوڵەکە لەلایەن #چیا نەوشیروان مستەفا# دەستپێکراوە و دەیەوێت سەرکردە ناڕازییەکانی گۆڕان ڕازی بکاتەوە بە گەڕانەوەیان بۆ ناو گۆڕان.
هەوڵەکە بەم دواییانە دەستپێکراوە و بەهۆی ئەو هەوڵەشەوە هەڵبژاردنی ئەندامانی خانەی ڕاپەڕاندن و ڕێکخەری گشتی بزووتنەوەکە بۆ کاتێکی نادیار دواخراوە، کە بڕیاربوو لە کۆبوونەوەی هەشتی مانگ پڕۆسەی هەڵبژاردنەکە ئەنجامبدرێت. [1]